ജിദ്ദ: സൗഹൃദത്തിന്റെയും സ്‌നേഹബന്ധങ്ങളുടെയും ഊഷ്മളത വിളിച്ചോതി വണ്ടൂര്‍ എറിയാട് മഹല്‍ പ്രവാസി കൂട്ടായ്മ (EMPA Night 2K25) സംഘടിപ്പിച്ച കുടുംബ സംഗമം ശ്രദ്ധേയമായി. പ്രവാസ ജീവിതത്തിന്റെ തിരക്കിനിടയിലും മഹല്‍ നിവാസികള്‍ക്കും കുടുംബങ്ങള്‍ക്കും ഒത്തുചേരാന്‍ അവസരം നല്‍കിയ സംഗമം ജിദ്ദയിലെ ഹരാസത്തില്‍ വെച്ചാണ് നടന്നത്. മഹല്‍ നിവാസികളായ മുഴുവന്‍ പ്രവാസികളും കുടുംബസമേതം പരിപാടിയില്‍ പങ്കെടുത്തു.

മിന്‍ഹ സഫീറിന്റെ ഖിറാഅത്തോടെയാണ് കുടുംബ സംഗമം ആരംഭിച്ചത്. പ്രസിഡന്റ് ഹസൈന്‍ പുന്നപ്പാലയുടെ അധ്യക്ഷതയില്‍ ചേര്‍ന്ന പൊതുസമ്മേളനം, മുഖ്യരക്ഷാധികാരി ബേബി നീലാമ്പ്ര (നജീബ്) ഉദ്ഘാടനം ചെയ്തു. പ്രവാസ ജീവിതത്തിലെ തിരക്കുകള്‍ക്കിടയിലും ഇത്തരം കൂട്ടായ്മകള്‍ കുടുംബബന്ധങ്ങള്‍ക്ക് നല്‍കുന്ന ഊഷ്മളതയെക്കുറിച്ച് അദ്ദേഹം സംസാരിച്ചു.

രക്ഷാധികാരികളായ നജീബ് കണ്ടംകുടുക്ക, സമീര്‍ ടി.പി., മുഹൈമീന്‍ കരുമാര, റഷാദ് കരുമാര എന്നിവര്‍ സംസാരിച്ചു. ഹാഷിം കരുമാര സ്വാഗതവും അബ്ദുല്‍ സലാം കെ.സി. നന്ദിയും പറഞ്ഞു.

കുടുംബാംഗങ്ങളും കുട്ടികളും പങ്കെടുത്ത പരിപാടി കുട്ടികളുടെ കലാപരിപാടികള്‍, പാട്ട്, ഡാന്‍സ്, വിവിധതരം ഗെയിംസുകള്‍ എന്നിവകൊണ്ട് ശ്രദ്ധേയമായി. കുട്ടികളുടെ പ്രകടനങ്ങള്‍ സദസ്സിന് നവ്യാനുഭൂതി പകര്‍ന്നു. തുടര്‍ന്ന് നടന്ന വാശിയേറിയ ഫുട്‌ബോള്‍ മത്സരത്തില്‍, ക്യാപ്റ്റന്‍ മുഹൈമീന്റെ നേതൃത്വത്തിലുള്ള ടീം വിജയികളായി. സമീര്‍ പതുത്തറയുടെ നേതൃത്വത്തിലുള്ള ടീം റണ്ണേഴ്സ് അപ്പിന് അര്‍ഹരായി.

പരിപാടിയുടെ പ്രധാന ആകര്‍ഷണമായിരുന്ന ലക്കി ട്രോ നറുക്കെടുപ്പില്‍ വിജയികളെ പ്രഖ്യാപിച്ചു. ഒന്നാം സമ്മാനം: അസ്‌കര്‍, രണ്ടാം സമ്മാനം: ഹസൈന്‍, മൂന്നാം സമ്മാനം: ആലിന്‍ നാസിഫ്.

പരിപാടിക്ക് CHARMS, RKG, CMAC, അല്‍ ഫൈസല്‍ സ്റ്റോര്‍ എന്നീ പ്രമുഖ കമ്പനികളും കരുമാര ഫാമിലി, കെ.കെ. ഫാമിലി തുടങ്ങിയവരും സഹായ സഹകരണങ്ങള്‍ നല്‍കി. ഫഹദ് നീലാംബ്ര, ഷബീര്‍, അഫ്‌സല്‍, അസ്ജദ്, ബദറുദ്ധീന്‍, കബീര്‍, ഷാന്‍, അക്ബര്‍ അലി, നിഷാദ്, നൗഷാദ് എന്നിവരാണ് പരിപാടിക്ക് നേതൃത്വം നല്‍കിയത്.

ഫോട്ടോ: വണ്ടൂര്‍ എറിയാട് മഹല്‍ പ്രവാസി കൂട്ടായ്മയുടെ കുടുംബ സംഗമം മുഖ്യരക്ഷാധികാരി ബേബി നീലാമ്പ്ര ഉദ്ഘാടനം ചെയ്യുന്നു.