ദമാം: പ്രവാസി വെല്‍ഫെയര്‍ ദമാം വനിതാ വിഭാഗവും അബീര്‍ മെഡിക്കല്‍ സെന്ററും ചേര്‍ന്ന് 'ഷീ ഹെല്‍ത്ത് -ഫെം കെയര്‍ ഇനീഷ്യേറ്റീവ്' എന്ന പേരില്‍ മെഡിക്കല്‍ ക്യാമ്പും ഹെല്‍ത്ത് അവയര്‍നസ് ക്ലാസും സംഘടിപ്പിച്ചു. സ്ത്രീ എന്ന നിലയില്‍ ഒരു പെണ്‍കുട്ടിയുടെ ആര്‍ത്താവാരംഭം മുതല്‍ മേനോപോസ് വരെയുള്ള വിവിധ ഘട്ടങ്ങളെ കുറിച്ചും, ജീവിതശൈലിയുടെ ഭാഗമായി വന്നുചേര്‍ന്നിട്ടുള്ള വിവിധതരത്തിലുള്ള ശാരീരികവും മാനസികവും ആയിട്ടുള്ള വെല്ലുവിളികളെക്കുറിച്ചും ആരോഗ്യവതി ആയിരിക്കേണ്ട ആവശ്യകതയെക്കുറിച്ചും അബീര്‍ മെഡിക്കല്‍ സെന്റര്‍ ഗൈനക്കോളജി വിഭാഗം ഡോക്ടര്‍ ജെന്‍സി ചെമ്പകശ്ശേരി ക്ലാസ്സ് എടുക്കുകയും സംശയനിവാരണം നടത്തുകയും ചെയ്തു.
തുടര്‍ന്ന് നടന്ന മെന്റല്‍ ഹെല്‍ത്ത് എന്ന സെഷനില്‍ താഹിറ ഷെജീര്‍ സംസാരിച്ചു. വ്യായാമത്തെ കുറിച്ചുള്ള സെഷന്‍ ഫാത്തിമ ഹാഷിമും സജ്ന ഷക്കീറും കൈകാര്യം ചെയ്തു. പരിപാടിയില്‍ വിവിധ സൗജന്യ ടെസ്റ്റുകള്‍ ഒരുക്കി. ജസീറ ഐമന്‍ സ്വാഗതവും ജസീറ ഫൈസല്‍ നന്ദിയും പറഞ്ഞു. സുനില സലീം അധ്യക്ഷയായിരുന്ന പരിപാടിയില്‍ അസ്‌ന ജോഷി ആങ്കര്‍ ആയിരുന്നു. ഷോബി ഷാജു, റജ്‌ന അസ്ലം, ജിസ്‌ന സാബിഖ്, റഷീദ അലി, മുഹ്‌സിന, സിനി റഹിം , അനീസ മെഹബൂബ് എന്നിവര്‍ പരിപാടിക്ക് നേതൃത്വം നല്‍കി.
