അബുദാബി: ലോകമെമ്പാടുമുള്ള യാത്രക്കാര്‍ക്ക് ഏറ്റവും സുരക്ഷിതമായ ഇടമായി യു.എ.ഇയുടെ തലസ്ഥാനമായ അബുദാബി തിരഞ്ഞെടുക്കപ്പെട്ടു. റിസ്‌ക് മാനേജ്മെന്റ് ടെക്നോളജി, യാത്രാ വിദഗ്ധരായ സേഫ്ച്വര്‍, റിസ്‌ക് ലൈന്‍ കമ്പനികള്‍ സംയുക്തമായി നടത്തിയ സര്‍വേയിലാണ് അബുദാബി ഒന്നാം സ്ഥാനം കരസ്ഥമാക്കിയത്.
സഞ്ചാരികള്‍ക്കുള്ള ഏറ്റവും സുരക്ഷിത നഗരങ്ങളുടെ ആഗോള പട്ടികയാണ് കമ്പനികള്‍ പുറത്തിറക്കിയത്. സുരക്ഷിത നഗരങ്ങളെ പച്ച നിറത്തിലും സുരക്ഷിതമല്ലാത്ത രാജ്യങ്ങളെ ചുവന്ന നിറത്തിലും അടയാളപ്പെടുത്തിയാണ് സര്‍വേ ഫലം പ്രസിദ്ധീകരിച്ചത്. തുടര്‍ച്ചയായി ഒന്‍പതാം വര്‍ഷവും നമ്പിയോ സൂചികയില്‍ സുരക്ഷിത നഗരമെന്ന സ്ഥാനം നിലനിര്‍ത്തിയതിന് പിന്നാലെയാണ് അബുദാബിക്ക് ഈ പുതിയ അംഗീകാരം ലഭിക്കുന്നത്.
ആരോഗ്യ പരിപാലനത്തിന്റെ നിലവാരം, പാരിസ്ഥിതിക അപകട സാധ്യതകള്‍, കുറഞ്ഞ കുറ്റകൃത്യ നിരക്ക്, മികച്ച ഭരണം, കാര്യക്ഷമമായ പൊതു സേവനങ്ങള്‍,
രാഷ്ട്രീയ സ്ഥിരത, സഞ്ചാര സൗഹൃദം തുടങ്ങിയ സുരക്ഷാ മാനദണ്ഡങ്ങള്‍ അടിസ്ഥാനമാക്കിയാണ് അബുദാബിയെ ഏറ്റവും സുരക്ഷിത നഗരമായി തിരഞ്ഞെടുത്തത്.
അബുദാബിക്കൊപ്പം ലോകത്തെ ഏറ്റവും സുരക്ഷിതമായ നഗരങ്ങളുടെ ആദ്യ പത്തില്‍ ഇടം നേടിയ മറ്റ് സ്ഥലങ്ങള്‍ ഇവയാണ്: ബേണ്‍ (സ്വിറ്റ്‌സര്‍ലന്‍ഡ്),
മോണ്ടെവിഡിയോ (യുറഗ്വായ്), മ്യൂണിക് (ജര്‍മനി), ഒട്ടാവ (കാനഡ), പെര്‍ത്ത് (ഓസ്‌ട്രേലിയ), റെയ്ക്ക്യാവിക് (ഐസ്ലന്‍ഡ്), സിംഗപ്പൂര്‍. ടോക്കിയോ (ജപ്പാന്‍),
വാന്‍കൂവര്‍ (കാനഡ).
.jpg)
Related News
