ദോഹ: അന്തര്‍ദേശീയ സഹകരണകാര്യ മന്ത്രി ഡോ. മറിയം ബിന്ത് അലി ബിന്‍ നാസര്‍ അല്‍ മിസ്‌നാദ് ഖത്തര്‍ അയച്ച 60 സഹായ ട്രക്കുകളുടെ യാത്രയ്ക്ക് അനുമതി നല്‍കി. ട്രക്കുകള്‍ ഈജിപ്തിലെ 10വേ ഓഫ് റമദാന്‍ സിറ്റിയില്‍ നിന്നാണ് അല്‍ ആരിഷ് നഗരത്തിലേക്ക് പുറപ്പെട്ടത്. അവിടെ നിന്ന് റഫാ അതിര്‍ത്തി വഴി ഗസ്സയിലേക്ക് സഹായം എത്തിക്കും.
ഡോ. അല്‍ മിസ്‌നാദ് ഖത്തറിന്റെ സഹായ ഗോഡൗണ്‍ സന്ദര്‍ശിച്ച് അവിടെയുള്ള ഭക്ഷണവും രക്ഷാ സാമഗ്രികളും പരിശോധിച്ചു. 25,500 ഭക്ഷ്യകിറ്റുകള്‍, 1,800 ശുചിത്വ കിറ്റുകള്‍, 1,000 അഭയകിറ്റുകള്‍, 400 ടണ്‍ മാവ്, കൂടാതെ 7,400 കാര്‍ട്ടണ്‍ കുഞ്ഞുങ്ങളുടെ പാല്‍പൊടി എന്നിവയടങ്ങിയ സാമഗ്രികളാണ് ട്രക്കിലുള്ളത്. ഇത് ഗസ്സയിലെ ജനങ്ങളെ സഹായിക്കുന്നതിനുള്ള ഖത്തറിന്റെ തുടര്‍ച്ചയായ ശ്രമങ്ങളുടെ ഭാഗമാണ്.