ജിദ്ദ: കെ.എം.സി.സി സെന്‍ട്രല്‍ കമ്മിറ്റി സി.എച്ച് സെന്റ്റുകള്‍ക്ക് 51 ലക്ഷം രൂപ നല്‍കി. പാണക്കാട് നടന്ന ചടങ്ങില്‍ മുസ്ലിം ലീഗ് സംസ്ഥാന പ്രസിഡന്റ് പാണക്കാട് സയ്യിദ് സാദിഖലി ശിഹാബ് തങ്ങള്‍ക്ക് ജിദ്ദ കെ.എം.സി.സി സെന്‍ട്രല്‍ കമ്മിറ്റി പ്രസിഡന്റ് അബൂബക്കറും സഹഭാരവാഹികളും ചേര്‍ന്നാണ് തുക കൈമാറിയത്.
ജീവകാരുണ്യ പ്രവര്‍ത്തന രംഗത്ത് അഭിമാനകരമായ പ്രവര്‍ത്തനം നടത്തുന്ന ജിദ്ദ കെ.എം.സി.സിയെ അഭിനന്ദിച്ച തങ്ങള്‍ രോഗികളെയും പാവപ്പെട്ടവരെയും ചേര്‍ത്ത് പിടിക്കുന്ന കെ.എം.സി.സിയുടെ ഓരോ ശ്രമങ്ങളും മുസ്ലിം ലീഗിന്റെ ജനകീയ അടിത്തറ ശക്തിപ്പെടുത്താന്‍ ഏറെ സഹായകവുന്നുണ്ടെന്നും അതില്‍ പാര്‍ട്ടിക്ക് വലിയ സംതൃപ്തിയുണ്ടെന്നും പറഞ്ഞു.
കേരളത്തിലെ വിവിധ സിഎച്ച് സെന്ററുകളില്‍ രോഗികള്‍ക്കായ് വന്‍കിട പദ്ധതികള്‍ ജിദ്ദ കെ.എം.സി.സി ഏറ്റെടുത്ത് പൂര്‍ത്തീകരിച്ചിട്ടുണ്ട്. നിലവില്‍ മലപ്പുറം, കോഴിക്കോട് സിഎച്ച് സെന്ററുകളില്‍ പ്രവാസികള്‍ക്ക് സൗജന്യ ചികിത്സ ലഭ്യമാക്കാന്‍ വിപുലമായ സൗകര്യങ്ങളോടെ പ്രവാസി മെഡിക്കല്‍ സെന്റര്‍ നിര്‍മ്മാണം പുരോഗമിച്ച് കൊണ്ടിരിക്കുകയാണ്. ഒരു പ്രവാസി സംഘടന മുന്‍ പ്രവാസികളായ പാവപ്പെട്ടരോഗികള്‍ക്ക് വേണ്ടി ആദ്യമായാണ് ഇത്തരം ഒരു പദ്ധതി ആവിഷ്‌കരിക്കുന്നത്. നിലവിലെ പ്രവാസികള്‍ക്കും ഇത് ഉപയോഗപ്പെടുത്താനാവും.
സൗദി കെ.എം.സി. വൈസ് പ്രസിഡന്റ് നിസ്സാം മമ്പാട്, ജിദ്ദ കെ.എം.സി സി ഭാരവാഹികളായ എ.കെ. മുഹമ്മദ് ബാവ, നാസര്‍ മച്ചിങ്ങല്‍, സിറാജ് കണ്ണവം, പ്രവാസി ലീഗ് സംസ്ഥാന വൈസ് പ്രസിഡന്റ് പി.എം.എ ജലീല്‍, കുഞ്ഞാലിഹാജി, ബാപ്പു തുവ്വശ്ശേരി, വി മുസ്തഫ, തറയില്‍ അബൂബക്കര്‍, ഒറീസ്സ മുഹമ്മദ്, അബൂബക്കര്‍ മാസ്റ്റര്‍ മായക്കര, അബ്ബാസ് മുസ്ലിയാരങ്ങാടി, അലി പാങ്ങാട്ട്, നൂര്‍ മുഹമ്മദ്, ഹാരിസ് ബാബു മമ്പാട്, അല്‍ മുര്‍ത്തു, മുസ്തഫ ആനക്കയം, ശിഹാബ് പാലപ്പെട്ടി ഒഴുകൂര്‍ , കുഞ്ഞിബാവ ചെറുകാവ്, അബു ചെറുകാവ് എന്നിവര്‍ പങ്കെടുത്തു.
Related News
