ദമ്മാം: കലാ സാഹിത്യ സാംസ്‌ക്കാരിക പ്രവര്‍ത്തകനും പ്രവാസിയുമായ സഈദ് ഹമദാനിയുടെ പുതിയ കവിതാ സമാഹാരം 'ജീവിതം തുന്നുന്ന പ്രവാസ' ത്തിന്റെ പ്രവാസ തല പ്രകാശനം നടന്നു. പ്രവാസിമിടിപ്പുകള്‍ ഉള്‍പ്പെടുന്ന മനുഷ്യ ജീവിതത്തിന്റെ വിവിധ തലങ്ങളിലൂടെ കടന്ന് പോകുന്ന അന്‍പതോളം കവിതകള്‍ ഉള്‍പ്പെടുന്നതാണ് മലയാള സാഹിത്യത്തിലെ പ്രമുഖരായ പി .സുരേന്ദ്രന്‍ , വീരാന്‍ കുട്ടി , പവിത്രന്‍ തീക്കുനി എന്നിവര്‍ സാക്ഷ്യപ്പെടുത്തിയ ഈ കവിതാ സമാഹാരം.
പ്രവാസിയുടെ സ്വജീവിതത്തിലോ അവരുടെ പരിസരങ്ങളിലോ ദര്‍പ്പണ ബിംബങ്ങള്‍ പോലെ പ്രതിഫലിക്കുന്ന ശക്തവും ,തീവ്രവുമാമായ രചനയാണ് ഹമദാനിയുടേതെന്ന് യുവ എഴുത്ത് കാരനും സാഹിത്യ പ്രവര്‍ത്തകനുമായ എം.പി ഷഹ്ദാന്‍ പ്രകാശന കര്‍മ്മം നിര്‍വഹിച്ചുകൊണ്ട് പറഞ്ഞു.
മുപ്പത്തി ആറ് വര്‍ഷമായി പ്രവാസലോകത്തുള്ള സൈദലവി കോഴിക്കോടിന് പുസ്തകം നല്‍കിയാണ് പ്രകാശനം ചെയ്തത്.
കിഴക്കന്‍ പ്രവിശ്യയിലെ കലാസാംസ്‌കാരിക സാഹിത്യ രംഗത്ത് അറിയപ്പെടുന്ന ജാം ക്രിയേഷന്‍സ് ദമ്മാം സംഘടിപ്പിച്ച പരിപാടിയില്‍ പ്രസിഡന്റും നടനും ,കലാ -സാഹിത്യ പ്രവര്‍ത്തകനുമായ സുബൈര്‍ പുല്ലാളൂര്‍ അധ്യക്ഷത വഹിച്ചു. ഉള്ളുപൊള്ളിക്കുന്ന വരികളും ബിംബ വര്‍ണ്ണനകളാലും സുഭിക്ഷമായ കവിതാസമാഹാരമാണ് ഇതെന്ന് പുസ്തക പരിചയം പെടുത്തിക്കൊണ്ട് മാധ്യമ പ്രവര്‍ത്തകനും എഴുത്തകാരനുമായ സാജിദ് ആറാട്ടുപുഴ നിരീക്ഷിച്ചു.
മുഹമ്മദലി പീറ്റിയില്‍ ( ജാം -രക്ഷാധികാരി ), ഷമീര്‍ ബാബു( തനിമ ) , ശനീബ് അബുബക്കര്‍ ( മലയാളി സമാജം ). ഡോ : സിന്ധു ബിനു ( സാഹിത്യ പ്രവര്‍ത്തക ,അധ്യാപിക ) എന്നിവര്‍ സംസാരിച്ചു. യുവ എഴുത്ത് കാരനായ നവാസ് കൊല്ലത്തിനെ ടെലി ഫിലിം സംവിധായകനായ റിനു അബൂബക്കര്‍ പൊന്നാട അണിയിച്ചാദരിച്ചു . കല്യാണി ബിനു , റഊഫ് ചാവക്കാട് എന്നിവര്‍ ഗാനം ആലപിച്ചു.
കിഴക്കന്‍ പ്രവിശ്യയിലെ കലാ സാഹിത്യ സാംസ്‌ക്കാരിക രംഗത്ത് അറിയപ്പെടുന്ന ജേക്കബ് ഉതുപ്പ്, മാലിഖ് മഖ്ബൂര്‍, കമറുദ്ധീന്‍ വലിയത്ത് , മുഷാല്‍ തഞ്ചേരി, റഹ്‌മാന്‍ കാര്യാട് , മജീദ് കൊടുവള്ളി, ബൈജു കുട്ടനാട്, ബിനു കുഞ്ഞ്, നജ്മുസ്സമാന്‍ ബിനു പുരുഷോത്തമന്‍, വിനോദ് കുഞ്ഞ്, ഷാജു അഞ്ചേരി, നസീര്‍ പുന്നപ്ര, സിറാജ് തലശ്ശേരി ,ആസിഫ് താനൂര്‍, മുരളീധരന്‍ എന്നിവര്‍ പരിപാടിയില്‍ സന്നിഹിതരായിരുന്നു. നസ്ഹ നൗഫല്‍ പ്രാര്‍ത്ഥനാഗാനവും ജോഷി ബാഷ അവതാരകനുമായിരുന്നു. ഷമീര്‍ പത്തനാപുരം , ഷരീഫ് കൊച്ചി , സിദ്ധിഖ് ആലുവ , ബിനാന്‍ കണ്ണൂര്‍, ലിയാഖത്ത് അലി കണ്ണൂര്‍ എന്നിവര്‍ പരിപാടികള്‍ നിയന്ത്രിച്ചു. മെഹബൂബ് മുടവന്‍കാട് നന്ദി പറഞ്ഞു.
.jpg)
Related News
