പല ഇന്ത്യന് മാതാപിതാക്കളും ശരിയായ ആസൂത്രണമില്ലാതെ തങ്ങളുടെ വിരമിക്കല് ഫണ്ടിന്റെ വലിയൊരു ഭാഗം മുതിര്ന്ന കുട്ടികള്ക്ക് നല്കി വിരമിക്കല് സുരക്ഷയെ അപകടത്തിലാക്കുന്നതായി റിപ്പോര്ട്ട്. മുന് ആദായനികുതി ഉദ്യോഗസ്ഥനും ഇപ്പോള് പൊതുമേഖലാ വിരമിച്ചവരുടെ മ്യൂച്വല് ഫണ്ട് ഉപദേഷ്ടാവുമായ ഗിരീഷ് അഗര്വാള്, ലിങ്ക്ഡ്ഇന് പോസ്റ്റില് വളരുന്ന ഈ പ്രവണതയെക്കുറിച്ച് മുന്നറിയിപ്പ് നല്കിയിട്ടുണ്ട്, ഇത് ജോലി ചെയ്യുന്ന പ്രൊഫഷണലുകളിലും വിരമിച്ചവരിലും ഒരുപോലെ ചര്ച്ചയ്ക്ക് കാരണമായി.
വര്ഷങ്ങളുടെ സേവനത്തിന് ശേഷം ഒരു കോടി രൂപയുമായി വിരമിക്കുന്ന ഒരു സര്ക്കാര് ഉദ്യോഗസ്ഥന്റെ പരിചിതമായ കഥ അഗര്വാള് പങ്കുവെച്ചു. വിരമിച്ച ഉടന് തന്നെ പണത്തിനായുള്ള അഭ്യര്ത്ഥനകള് കുടുംബാഗങ്ങളില്നിന്ന് ആരംഭിക്കുന്നു. ഒരു കുട്ടിക്ക് ഒരു സ്റ്റാര്ട്ടപ്പിനായി ഫണ്ട് ആവശ്യമാണ്. മറ്റൊരാളുടെ പങ്കാളിക്ക് ഒരു ഫ്രാഞ്ചൈസി തുറക്കാന് ആഗ്രഹമുണ്ട്. ഒരു സാമ്പത്തിക പദ്ധതിയില്ലാതെ, വിരമിച്ച ഉദ്യോഗസ്ഥന് സ്നേഹവും വൈകാരിക കുറ്റബോധവും കൊണ്ട് വലിയ തുകകള് മക്കള്ക്കു കൈമാറുന്നു.
ഫലം പലപ്പോഴും നിരാശാജനകമാണ്. ''അദ്ദേഹം മറ്റെല്ലാവര്ക്കും എടിഎമ്മായി മാറി... തനിക്കായി പണം സൂക്ഷിക്കാന് മറന്നു,'', അഗര്വാള് എഴുതുന്നു. ''ഇത് ഔദാര്യമല്ല. ഇത് സാമ്പത്തിക സ്വയം അവഗണനയാണ്, വൈകാരിക കുറ്റബോധത്തില് പൊതിഞ്ഞതാണ്.'
അഗര്വാളിന്റെ അഭിപ്രായത്തില്, പല മുതിര്ന്ന കുട്ടികളും മാതാപിതാക്കളില്നിന്നു സാമ്പത്തിക സഹായം തേടുന്നത് അത് അവരുടെ മാതാപിതാക്കളില് ചെലുത്തുന്ന ദീര്ഘകാല സമ്മര്ദ്ദം മനസ്സിലാക്കാതെയാണ്. ഈ പണം ഉപയോഗിച്ചു തുടങ്ങുന്ന ബിസിനസുകള് പലപ്പോഴും വരുമാനം നല്കുന്നതാവില്ല. ഇത് വിരമിച്ചയാളെ സാമ്പത്തികമായി അരക്ഷിതരാക്കുന്നു.
''ഘടനാപരമായ പിന്വലിക്കല് പദ്ധതിയില്ല, പെന്ഷനില്ല, സുരക്ഷാ വലയില്ല - വര്ദ്ധിച്ചുവരുന്ന ഉത്കണ്ഠയും സമ്പാദ്യവും മാത്രം,'' അഗര്വാള് കുറിക്കുന്നു. പതിവ് വരുമാനമില്ലാതെ, വിരമിച്ച രക്ഷിതാവിനെ ഇതു പ്രതിസന്ധിയിലാക്കാം.
സ്വന്തം ഭാവി സുരക്ഷിതമാക്കുക
വിരമിച്ചവര് ആദ്യം അടുത്ത 25-30 വര്ഷത്തേക്ക് അവര്ക്കു സഹായകരമാവുന്ന ഒരു വരുമാന പദ്ധതി സൃഷ്ടിക്കണമെന്ന് അഗര്വാള് ശുപാര്ശ ചെയ്യുന്നു. കുട്ടികള്ക്ക് നല്കുന്ന ഏതൊരു സാമ്പത്തിക സഹായവും വ്യക്തമായ രേഖകള്, തിരിച്ചടവ് നിബന്ധനകള്, അതിരുകള് എന്നിവയോടെ ഒരു ബിസിനസ്സ് ഇടപാട് പോലെയായിരിക്കണം നല്കേണ്ടത്.
നിങ്ങള് ആശ്രിതത്വത്തോടെയല്ല, അന്തസ്സോടെ ജീവിക്കുമ്പോള് നിങ്ങളുടെ കുട്ടികള് നിങ്ങളെ കൂടുതല് ബഹുമാനിക്കും. സമാധാനപരമായ വിരമിക്കല് ജീവിതത്തിന് ഇതാവശ്യമാണ്.
Related News
