ന്യൂഡല്‍ഹി: ഇന്‍ഡിഗോ എയര്‍ലൈന്‍ യുകെയിലേക്ക് സര്‍വീസ് ആരംഭിച്ചു. മുംബൈയില്‍നിന്നും മാഞ്ചസ്റ്ററിലേക്കാണ് സര്‍വീസ്. അന്താരാഷ്ട്രതലത്തില്‍ സര്‍വീസ് വ്യാപിപ്പിക്കുന്നതിന്റെ ഭാഗമായാണ് പുതിയ സര്‍വീസ്.

ആഴ്ചയില്‍ മൂന്ന് ദിവസമാണ് സര്‍വീസുണ്ടാവുക. ബോയിങ് 787-9 ഡ്രീംലൈനര്‍ ആണ് സര്‍വീസിന് ഉപയോഗിക്കുക. നോര്‍സ് അറ്റ്‌ലാന്റിക് എയര്‍വേയ്‌സുമായി സഹകരിച്ചാണ് സര്‍വീസെന്ന് ഇന്‍ഡിഗോ അധികൃതര്‍ അറിയിച്ചു.

56 ഇന്‍ഡിഗോ സ്‌ട്രെച്ച് സീറ്റുകളും 283 ഇക്കോണമി സീറ്റുകളുമാണ് വിമാനത്തിലുണ്ടാവുക. ഭക്ഷണവൂം ടിക്കറ്റ് ചാര്‍ജില്‍ ഉള്‍പ്പെടും. ചൊവ്വ, വ്യാഴം, ശനി ദിവസങ്ങളില്‍ രാവിലെ 4.25ന് മാഞ്ചസ്റ്ററിലേക്ക് പുറപ്പെടുന്ന വിമാനം യു.കെ സമയം 10.05ന് ലക്ഷ്യസ്ഥാനത്തെത്തും. ബുധന്‍, വെള്ളി, ഞായര്‍ ദിവസങ്ങളില്‍ 12.05ന് മാഞ്ചസ്റ്ററില്‍ നിന്ന് പുറപ്പെട്ട് അടുത്ത ദിവസം 1.55ന് മുംബൈയിലെത്തും. നിലവില്‍ ഇന്ത്യയില്‍നിന്ന് എയര്‍ ഇ്ന്ത്യയാണ് യുകെയിലേക്ക് സര്‍വീസ് നടത്തുന്നത്.