ജിദ്ദ- ഹജ്ജ് തീര്‍ത്ഥാടകരുടെ അനുഭവം കൂടുതല്‍ സവിശേഷവും സുഗമവുമാക്കുക എന്ന ലക്ഷ്യത്തോടെ, ഈ വര്‍ഷത്തെ (ഹിജ്‌റ 1447) ഹജ്ജ് കര്‍മ്മങ്ങള്‍ പൂര്‍ത്തിയാക്കിയ തീര്‍ത്ഥാടകരുമായി നേരിട്ട് ആശയവിനിമയം നടത്തി സൗദി ഹജ്ജ്-ഉംറ മന്ത്രി ഡോ. തൗഫീഖ് അല്‍-റബിഅ. വരും വര്‍ഷങ്ങളില്‍ സേവനങ്ങളുടെ ഗുണനിലവാരം ഉയര്‍ത്തുന്നതിനും പോരായ്മകള്‍ പരിഹരിക്കുന്നതിനുമായി തീര്‍ത്ഥാടകരില്‍ നിന്നും ആശയങ്ങളും നിര്‍ദ്ദേശങ്ങളും അദ്ദേഹം ക്ഷണിച്ചു.
എപ്പോഴും പ്രായോഗികമായ വികസന കാഴ്ചപ്പാടുകള്‍ക്ക് മുന്‍ഗണന നല്‍കുന്ന മന്ത്രി, സാമൂഹിക മാധ്യമമായ 'എക്‌സ്' (ത) വഴിയാണ് തീര്‍ത്ഥാടകര്‍ക്കായി ഈ തുറന്ന ക്ഷണം നടത്തിയത്. വരാനിരിക്കുന്ന ഹജ്ജ് സീസണുകളില്‍ സേവനങ്ങളുടെ കാര്യക്ഷമത വര്‍ദ്ധിപ്പിക്കുന്നതിനും ഹജ്ജ് അനുഭവം കൂടുതല്‍ മെച്ചപ്പെടുത്തുന്നതിനും സഹായിക്കുന്ന അഭിപ്രായങ്ങള്‍ പങ്കുവെക്കാന്‍ അദ്ദേഹം തീര്‍ത്ഥാടകരോട് അഭ്യര്‍ത്ഥിച്ചു. തീര്‍ത്ഥാടകരുടെ നിര്‍ദ്ദേശങ്ങള്‍ വരും വര്‍ഷങ്ങളിലെ പദ്ധതി ആസൂത്രണത്തില്‍ വലിയ പങ്കുവഹിക്കുമെന്നാണ് വിലയിരുത്തപ്പെടുന്നത്.
Related News
