റിയാദ്: വിശുദ്ധ അറഫാ ദിനത്തോടനുബന്ധിച്ച് ഇന്ത്യന്‍ കള്‍ച്ചറല്‍ ഫൗണ്ടേഷന്‍ (ഐ.സി.എഫ്) റിയാദ് സംഘടിപ്പിച്ച 'ആത്മീയ സംഗമവും ഇഫ്താര്‍ വിരുന്നും' ഭക്തിസാന്ദ്രമായി. എക്‌സിറ്റ് 18-ലെ അല്‍വലീദ് ഇസ്തിറാഹയില്‍ നടന്ന സംഗമത്തില്‍ നൂറുകണക്കിന് വിശ്വാസികള്‍ പങ്കെടുത്തു.
അറഫാ ദിനത്തിന്റെ പുണ്യവും ആത്മീയ ചൈതന്യവും ഉള്‍ക്കൊണ്ട് അസര്‍ നമസ്‌കാരത്തിന് ശേഷമാണ് പരിപാടികള്‍ക്ക് തുടക്കമായത്. ഷൗകത്ത് അലി സഅദിയുടെ പ്രാര്‍ത്ഥനയോടെ ആരംഭിച്ച പരിപാടിയില്‍ അബ്ദുല്‍ റഹ്‌മാന്‍ സഖാഫി ബദിയ അധ്യക്ഷത വഹിച്ചു. ജബ്ബാര്‍ കുനിയില്‍ സ്വാഗതം പറഞ്ഞു.
തുടര്‍ന്ന് നടന്ന ആത്മീയ സദസ്സില്‍ ബഷീര്‍ മിസ്ബാഹി അറഫാ ദിനത്തിന്റെ പ്രാധാന്യത്തെയും പ്രവാസ ജീവിതത്തിലെ ആത്മീയ വിശുദ്ധിയെയും കുറിച്ച് മുഖ്യപ്രഭാഷണവും ഉല്‍ബോധനവും നടത്തി. പതിനൊന്ന് വര്‍ഷം മുമ്പ് ഹജ്ജ് വേളയില്‍ മിനായില്‍ വെച്ച് മരണപ്പെട്ട ഐ.സി.എഫിന്റെ മുന്‍ ദാഇ മര്‍ഹൂം സുല്‍ഫിക്കര്‍ നഈമി ഉസ്താദിനെ ചടങ്ങില്‍ അനുസ്മരിച്ചു.
ലോകസമാധാനത്തിനും പ്രവാസി സമൂഹത്തിന്റെ ക്ഷേമത്തിനും അറഫയിലെ ഹാജിമാര്‍ക്കും വേണ്ടിയുള്ള പ്രത്യേക ദുആയോടെയാണ് സദസ്സ് സമാപിച്ചത്. തുടര്‍ന്ന് വിപുലമായ ഇഫ്താര്‍ വിരുന്നും ഒരുക്കിയിരുന്നു. പരിപാടിക്ക് അബ്ദുല്‍ഖാദിര്‍ പള്ളിപ്പറമ്പ് നന്ദി രേഖപ്പെടുത്തി.
.jpg)
Related News
