അറാര്‍: സൗദി അറേബ്യയിലെ റഫയില്‍ താമസസ്ഥലത്ത് മലയാളി യുവാവിനെ തൂങ്ങിമരിച്ച നിലയില്‍ കണ്ടെത്തി. വയനാട് സ്വദേശി സിബി ബാലകൃഷ്ണന്‍ (56) ആണ് മരിച്ചത്. കടബാധ്യതയെത്തുടര്‍ന്നുള്ള മാനസിക വിഷമമാണ് ആത്മഹത്യയ്ക്ക് കാരണമെന്നാണ് പ്രാഥമിക നിഗമനം.

മരണത്തിന് മറ്റാരും ഉത്തരവാദികളല്ലെന്നും കടബാധ്യതകള്‍ കാരണമാണ് ജീവിതം അവസാനിപ്പിക്കുന്നതെന്നും വ്യക്തമാക്കുന്ന ആത്മഹത്യാക്കുറിപ്പ് താമസസ്ഥലത്തുനിന്ന് കണ്ടെത്തിയിട്ടുണ്ട്. നാട്ടില്‍നിന്നും പുതിയ വിസയില്‍ എത്തിയിട്ട് ഒരു മാസം തികയുന്നതിനിടെയാണ് അപ്രതീക്ഷിതമായ ഈ ദാരുണാന്ത്യം.

പോലീസ് സ്ഥലത്തെത്തി നിയമനടപടികള്‍ പൂര്‍ത്തിയാക്കി. മൃതദേഹം നാട്ടിലെത്തിക്കാനുള്ള ശ്രമങ്ങള്‍ പ്രവാസി സംഘടനകളുടെ നേതൃത്വത്തില്‍ നടന്നുവരികയാണ്.