തിരുവനന്തപുരം: ഐ.എസ്.ആര്‍.ഒ മുന്‍ ശാസ്ത്രജ്ഞനും വലിയമല ലിക്വിഡ് പ്രൊപ്പല്‍ഷന്‍ സിസ്റ്റംസ് സെന്ററിലെ മുന്‍ പ്രോജക്ട് ഡയറക്ടറുമായിരുന്ന ശാസ്തമംഗലം ലുമിയര്‍ വീട്ടില്‍ എം.കെ. അബ്ദുല്‍ മജീദ് (86) നിര്യാതനായി. ദീര്‍ഘകാലം ഐ.എസ്.ആര്‍.ഒയില്‍ സേവനമനുഷ്ഠിച്ച അദ്ദേഹം മുന്‍ രാഷ്ട്രപതി ഡോ. എ.പി.ജെ. അബ്ദുല്‍ കലാമിനൊപ്പം പ്രധാന പദ്ധതികളില്‍ സഹകരിച്ചു പ്രവര്‍ത്തിച്ചിട്ടുണ്ട്.
പൊന്നാനിക്കടുത്ത് കോക്കൂര്‍ മാനം കണ്ടത്ത് തറവാട്ടില്‍ ബാപ്പുട്ടിയുടെ മകനാണ്. ഔദ്യോഗിക ജീവിതത്തിന് പുറമെ സാമൂഹിക രംഗത്തും സജീവമായിരുന്ന അദ്ദേഹം തിരുവനന്തപുരം മുസ്ലിം അസോസിയേഷന്‍ മുന്‍ വൈസ് പ്രസിഡന്റായും മുസ്ലിം എഡ്യൂക്കേഷന്‍ സൊസൈറ്റി ജില്ലാ കമ്മിറ്റി അംഗമായും പ്രവര്‍ത്തിച്ചിട്ടുണ്ട്.
പെരുമ്പാവൂര്‍ വെങ്ങോല സ്വദേശി പരേതനായ പി.കെ. ആലിപ്പിള്ളയുടെ മകള്‍ ആരിഫയാണ് ഭാര്യ. ജസ്റ്റിസ് സി.കെ. അബ്ദുല്‍ റഹീം ഭാര്യ സഹോദരനാണ്.
മക്കള്‍: ഡോ. എം.കെ. സെല്‍വ, ഡോ. എം.കെ. ബിന്ദു. മരുമക്കള്‍: ഡോ. അബ്ബാസ്, ഡോ. നസീര്‍.
ഖബറടക്കം 02/05/2026 ശനിയാഴ്ച വൈകുന്നേരം 7.30-ന് പാളയം ജുമാ മസ്ജിദില്‍ നടക്കും.
Related News
