അല്‍ ഖോബാര്‍: സൗദി ഇന്ത്യന്‍ ഇസ്ലാഹി സെന്റര്‍ (മര്‍ക്കസുദ്ദഅവ) അല്‍ ഖോബാര്‍ യൂണിറ്റിന്റെ 2026-2028 കാലയളവിലേക്കുള്ള പുതിയ കമ്മിറ്റി നിലവില്‍ വന്നു. ഇസ്ലാഹി സെന്റര്‍ ഓഡിറ്റോറിയത്തില്‍ കഴിഞ്ഞ വെള്ളിയാഴ്ച നടന്ന ജനറല്‍ ബോഡി യോഗത്തില്‍ നാഷണല്‍ കമ്മിറ്റി സെക്രട്ടറി സലീം കടലുണ്ടിയുടെ നേതൃത്വത്തിലാണ് തിരഞ്ഞെടുപ്പ് നടപടികള്‍ പൂര്‍ത്തിയാക്കിയത്.
പുതിയ ഭാരവാഹികള്‍: പ്രസിഡന്റ്: അബ്ബാസ് പന്തലിങ്ങള്‍, ജനറല്‍ സെക്രട്ടറി: ഉബൈദ് കക്കോവ്, ട്രഷറര്‍: അബ്ദുല്‍ നസീര്‍, വൈസ് പ്രസിഡന്റുമാര്‍: ഗഫൂര്‍ എടക്കര, അബ്ദുല്‍ ഗഫൂര്‍ പൂക്കോട്ടുംപാടം, ജോയിന്റ് സെക്രട്ടറിമാര്‍: അഷ്റഫ് അലി പാലക്കാട്, അഹമ്മദ് നിസാം കോഴിക്കോട്.
സംഘടനയുടെ പ്രവര്‍ത്തനങ്ങള്‍ കൂടുതല്‍ ശക്തിപ്പെടുത്തുകയും സമൂഹോപകാരപ്രദമായ കാര്യങ്ങള്‍ വ്യാപിപ്പിക്കുകയും ചെയ്യുമെന്ന് പുതിയ ഭാരവാഹികള്‍ അറിയിച്ചു. അംഗങ്ങള്‍ തമ്മിലുള്ള ഐക്യവും സഹകരണവും മുന്‍നിര്‍ത്തി, വിദ്യാഭ്യാസ-സാമൂഹിക മേഖലകളില്‍ കൂടുതല്‍ ഇടപെടലുകള്‍ നടത്തുമെന്ന് അവര്‍ കൂട്ടിച്ചേര്‍ത്തു.
പുതിയ കമ്മിറ്റിയുടെ നേതൃത്വത്തില്‍ സംഘടനയുടെ പ്രവര്‍ത്തനങ്ങള്‍ കൂടുതല്‍ കാര്യക്ഷമമായി മുന്നോട്ട് കൊണ്ടുപോകുന്നതിനായി സമഗ്രമായ പദ്ധതികള്‍ ആസൂത്രണം ചെയ്യുമെന്നും യോഗത്തില്‍ അറിയിച്ചു. തിരഞ്ഞെടുക്കപ്പെട്ട ഭാരവാഹികള്‍ക്ക് യോഗത്തില്‍ പങ്കെടുത്തവര്‍ ആശംസകള്‍ നേര്‍ന്നു.
ഫോട്ടോ: അബ്ബാസ്, ഉബൈദ്, അബ്ദുല്‍ നസീര്‍.
.jpg)
Related News
