ജിദ്ദ: പ്രവാസലോകത്തെ വായനക്കാരെയും പുസ്തകപ്രേമികളെയും ഒന്നിപ്പിക്കുന്ന 'ജിദ്ദ വായനക്കൂട്ടം' ഇഫ്താര്‍ സംഗമം സംഘടിപ്പിച്ചു. സീസണ്‍സ് റെസ്റ്റോറന്റില്‍ നടന്ന പരിപാടി സ്‌നേഹനിര്‍ഭരമായ കുടുംബസംഗമമായി മാറി. വായനക്കൂട്ടം സാരഥി കെ.ടി.എ. മുനീര്‍ അധ്യക്ഷത വഹിച്ച ചടങ്ങില്‍ സീസണ്‍സ് റെസ്റ്റോറന്റ് മാനേജിങ് ഡയറക്ടര്‍ സക്കീര്‍ പുളിക്കല്‍ മുഖ്യാതിഥിയായിരുന്നു.
സംഗമത്തോടനുബന്ധിച്ച് വായനക്കൂട്ടം അംഗങ്ങളായ സാക്കിര്‍ ഹുസൈന്‍ എടവണ്ണ, ലൈല ടീച്ചര്‍ എന്നിവരുടെ മുപ്പതാം വിവാഹവാര്‍ഷികം കേക്ക് മുറിച്ച് ആഘോഷിച്ചു. കൂടാതെ, ജിദ്ദ കലാസാഹിതിയുടെ പ്രസിഡന്റായി നിയമിതനായ വായനക്കൂട്ടം അംഗം നൗഷാദ് അടൂരിനെ ചടങ്ങില്‍ ഷാള്‍ അണിയിച്ച് ആദരിച്ചു.
നാസിമുദ്ദീന്‍ മണനാക്, അനില്‍ കുമാര്‍ ചക്കരക്കല്‍, അബ്ദുല്‍ ഖാദര്‍ കള്ളിവളപ്പില്‍, നാസര്‍ സൈന്‍, പ്രിന്‍സാദ് പാറായി, മുജീബ് മുത്തേടത്ത്, അന്‍വര്‍ കല്ലമ്പലം, സിദ്ദിഖ് പുല്ലങ്കോട്, ശരീഫ് വാഴക്കാട്, ഇര്‍ഷാദ് ആലപ്പുഴ, ഫസലുള്ള വെള്ളുവമ്പാലി, ഗഫൂര്‍ വണ്ടൂര്‍, അന്‍വര്‍ ബാബു ചോക്കാട് തുടങ്ങിയവര്‍ സംസാരിച്ചു.
എല്ലാ തിങ്കളാഴ്ചകളിലും പുസ്തക പരിചയവും ഗൗരവകരമായ സാഹിത്യ ചര്‍ച്ചകളും നടത്തിവരുന്ന ജിദ്ദ വായനക്കൂട്ടം, പ്രവാസജീവിതത്തിലെ തിരക്കുകള്‍ക്കിടയിലും വായനയെയും സൗഹൃദത്തെയും ചേര്‍ത്തുപിടിക്കുന്നവരുടെ സജീവമായ ഒത്തുചേരലായി മാറിയിരിക്കുകയാണ്.
.jpg)
Related News
