ഇസ്ലാമാബാദ്: ഒരിക്കല് സര്വപിന്തുണയും നല്കിയ താലിബാനെ പൂര്ണമായും തള്ളി പാക്കിസ്ഥാന്. അഫ്ഗാനിസ്ഥാനിലെ താലിബാന് ഭരണകൂടവുമായി ബന്ധം പുനഃസ്ഥാപിക്കാനുള്ള ശ്രമങ്ങളെല്ലാം പരാജയപ്പെട്ടതോടെയാണിത്. ഇരുരാജ്യങ്ങളും തമ്മിലുള്ള ബന്ധം പൂര്ണമായും തകര്ന്നുവെന്ന് പാക് പ്രതിരോധ മന്ത്രി ഖ്വാജ ആസിഫ് പരസ്യമായി സമ്മതിച്ചു. ഇന്ത്യയുമായി താലിബാന് ബന്ധം ശക്തിപ്പെടുത്തുകയാണ്.
താലിബാന് കാബൂള് പിടിച്ചെടുത്തതിന് ശേഷം താന് വ്യക്തിപരമായി അവരെ സ്വാഗതം ചെയ്യുകയും ബന്ധങ്ങള് സുസ്ഥിരമാക്കുന്നതിനായി പലതവണ അഫ്ഗാനിസ്ഥാനിലേക്ക് പോവുകയും ചെയ്തു. എന്നാല്, അതൊന്നും പ്രയോജനപ്പെട്ടില്ലെന്ന് ജിയോ ന്യൂസിന് നല്കിയ അഭിമുഖത്തില് ഖ്വാജ ആസിഫ് പറഞ്ഞു.
അഫ്ഗാനില്നിന്ന് നല്ല മാറ്റത്തിനുള്ള യാതൊരു സാധ്യതയും കാണുന്നില്ല. ഞങ്ങള് അവരെ പൂര്ണ്ണമായും എഴുതിത്തള്ളുകയാണ്, അവരില് ഞങ്ങള്ക്ക് ഒരു പ്രതീക്ഷയുമില്ല.- ഖ്വാജ ആസിഫ് പറഞ്ഞു.
കഴിഞ്ഞ ദിവസം പാക് അതിര്ത്തിയോട് ചേര്ന്ന അഫ്ഗാനിസ്ഥാനിലെ ഖോസ്റ്റ് പ്രവിശ്യയില് പാകിസ്ഥാന് ആക്രമണം നടത്തിയിരുന്നു. ഇതില് ഒമ്പത് കുട്ടികളടക്കം 10 പേര് കൊല്ലപ്പെട്ടതായി റിപ്പോര്ട്ടുണ്ടെങ്കിലും പാക്കിസ്ഥാന് ഇത് തള്ളി. ആക്രമണത്തിന് പ്രതികാരമായി തിരിച്ചടിക്കുമെന്ന് താലിബാന് പ്രതികരിച്ചിരുന്നു.
Related News
