ഷാര്‍ജ: റിയാദിലെ സാമൂഹിക, സാംസ്‌കാരിക ജീവ കാരുണ്യ രംഗങ്ങളില്‍ നിറഞ്ഞു നിന്നിരുന്ന നാസര്‍ നാഷ്‌കോയുടെ കവിതാ സമാഹാരമായ ''എന്റെ അവസാനത്തെ കവിതകള്‍ ' എന്ന പുസ്തകം പ്രസിദ്ധ സമൂഹിക സംസ്‌കാരിക പ്രവര്‍ത്തകയും ദുബായ് മലയാളി അസ്സോസിയേഷന്‍ (DMA) പ്രസിഡന്റുമായ അജിത അനീഷ് ആദ്യപ്രതി പ്രമുഖ മലയാള സാഹിത്യകാരിയായ അബ്ദിയ ഷെഫീനക്കു നല്‍കി പ്രകാശനം നിര്‍വഹിച്ചു.
എഴുത്തുകാരനും പ്രാസംഗികനുമായി ബഷീര്‍ തിക്കോടി പ്രോഗ്രാം അവതാരകന്‍ ആയിരുന്നു. സാഹിത്യകാരനും സ്ഥിതി പബ്ലിക്കേഷന്‍സ് സാരഥിയുമായ വി.ടി. കുരീപ്പുഴ പുസ്തക പരിചയം നടത്തി. സിനിമ താരം ദേവിക അവതാരികയായിരുന്ന പ്രോഗ്രാമില്‍ എഴുത്തുകാരി ഹണി ഭാസ്‌കര്‍, കൈരളി ടി വി ഡയറക്ടര്‍ ടി ആര്‍ അജയന്‍, MIT മൂസ്സ യുടെ ഡയറക്ടര്‍ ഷാജി, ഗീത മേനോന്‍, സിനിമ പ്രവര്‍ത്തകന്‍ ഇര്‍ഷാദ് ഇക്ബാല്‍, അഷ്‌റഫ് കച്ചേരി, ഹരിതം പബ്ലിഷേഴ്‌സ് സ്ഥാപകന്‍ പ്രതാപന്‍ തായാട്ട് തുടങ്ങിയവര്‍ ആശംസകള്‍ നേര്‍ന്നു.
26 കവിതകള്‍ 64 പേജില്‍ അടങ്ങിയ ഈ കവിത സമാഹാരം ജാതിയും, മതസ്പര്‍ദ്ധയും, നിറ, ദേശ വ്യത്യാസമില്ലാതെ കഴിഞ്ഞിരുന്ന കേരള സംസ്‌കാരത്തിലൂടെയും, യുദ്ധ കെടുതികളില്‍ അലയുന്ന ഫലസ്തീയന്‍ ജനതയിലൂടെയും കടന്നു കര്‍ണാടകയിലെ ദേവദാസി സമ്പ്രദായത്തിന്റെ തിരുത്തപ്പെടേണ്ട വിശ്വാസങ്ങളിലേക്കും വിരല്‍ ചൂണ്ടുന്ന ഒരു കവിത സമാഹാരമാണിത്. മനുഷ്യനെ മറയ്ക്കുന്ന ലഹരിക്കെതിരെ ആഞ്ഞടിക്കുന്ന ഈ കവിത സമാഹാരം, ലഹരിയൊഴിവാക്കിയാല്‍ എങ്ങനെ ജീവിത വിജയം കരസ്ഥമാക്കാമെന്നുള്ള ഒരു പാഠവും നല്‍കുന്നുണ്ട്.
സൗദി ജയില്‍ കഴിയുന്ന റഹീമും, യെമനില്‍ ജയിലില്‍ കഴിയുന്ന നിമിഷപ്രിയയും കടന്നു വരുന്ന കവിത സമാഹാരം, യു എ എ-സൗദി അറേബ്യ എന്ന രാജ്യങ്ങളുടെ സംസ്‌കാരത്തിന്റെയും കരുതലിന്റെയും ഭൂപഠനങ്ങളിലേക്കും വിരല്‍ ചൂണ്ടുന്നു. പാര്‍ശ്വവല്‍ക്കരിക്കാത്ത സത്യ സന്ധമായ ചിന്തകളുടെ ഒരു ഉള്ളടക്കമാണ് നാസര്‍ നാഷ്‌കോയുടെ ''എന്റെ അവസാനത്തെ കവിതകള്‍''എന്ന കവിതാ സമാഹാരം. ഹരിതം ബുക്‌സ് ആണ് പബ്ലിഷേഴ്‌സ്.
.jpg)
Related News
