ദുബായ്: ഗള്ഫ് ഉല്പ്പെടെ വിവിധ രാജ്യങ്ങളില് രാജ്യാന്തര ചലച്ചിത്രോത്സവം (ഐ.എഫ്.എഫ്.കെ) സംഘടിപ്പിക്കുമെന്ന് ചലച്ചിത്ര അക്കാദമി ചെയര്മാന് റസൂല് പൂക്കുട്ടി. പകുതിയിലധികം മലയാള സിനിമകളും നിര്മിക്കുന്നത് ഗള്ഫിലെ പ്രവാസികളാണെന്നും അദ്ദേഹം വാര്ത്ത സമ്മേളനത്തില് പറഞ്ഞു.
സര്ക്കാര് ഏജന്സികള്ക്ക് ഐ.എഫ്.എഫ്.കെ സൗജന്യ പാസുകള് നല്കുന്നത് നിര്ത്തലാക്കുന്നത് പരിഗണനയിലാണ്. 15,000 സൗജന്യ പാസുകളില് 5,000ത്തിലധികം കൈപ്പറ്റുന്നത് മന്ത്രിമാരുടെ ഓഫിസുകളും പൊലീസ് അടക്കമുള്ള സര്ക്കാര് ഉദ്യോഗസ്ഥരുമാണ്. എന്നാല്, ഇവര് എല്ലാവരും യഥാര്ഥ സിനിമ പ്രേമികളാണെന്ന് കരുതുന്നില്ല. കാന് ഉള്പ്പടെയുള്ള മേളകളിലും ഐ.എഫ്.എഫ്.കെ യിലെ മലയാളസിനിമകള് പ്രദര്ശിപ്പിക്കാന് നടപടിയുണ്ടാകുമെന്നും റസൂല് പൂക്കുട്ടി അറിയിച്ചു. നല്ല തീരുമാനമെടുക്കുന്നതില് ചെയര്മാന് സ്ഥാനം ഭാരമായി തോന്നിയാല് അത് അഴിച്ചുവെക്കാന് മടിക്കില്ലെന്നും പറഞ്ഞു.
സിനിമയിലെ 35 % ജോലികളും എഐ ഇല്ലാതാക്കും. തിയേറ്ററുകളില് ആകട നിലവാരം ഏര്പ്പെടുത്തുന്നത് ആലോചനയിലുണ്ടെന്നും വാര്ത്താ സമ്മേളനത്തില് അദ്ദേഹം പങ്കുവെച്ചു. കേരളത്തിന്റെ രാഷ്ട്രീയ ചരിത്രവുമായി ബന്ധപ്പെട്ട മലയാള സിനിമ ചെയ്യുന്നത് തന്റെ സ്വപ്നമാണെന്നും അതിന്റെ തിരക്കഥാ ജോലികള് നടക്കുന്നുവെന്നും അദ്ദേഹം കൂട്ടിച്ചേര്ത്തു.
Related News
