ജിദ്ദ: കാലാവസ്ഥാ മാറ്റങ്ങള്‍ കാരണം പനിയും ജലദോഷവും വര്‍ധിക്കുന്ന സാഹചര്യത്തില്‍, തീര്‍ഥാടകര്‍ നിര്‍ബന്ധമായും സീസണല്‍ ഫ്‌ളൂ വാക്സിന്‍ എടുക്കണമെന്ന് ഇരുഹറം കാര്യാലയം ആവശ്യപ്പെട്ടു.
തീര്‍ഥാടകരുടെയും സന്ദര്‍ശകരുടെയും ആരോഗ്യം സംരക്ഷിക്കുന്നതിനും, സീസണല്‍ രോഗങ്ങള്‍ പടരുന്നത് തടയുന്നതിനുമുള്ള ശ്രമങ്ങളുടെ ഭാഗമായാണ് ഈ നടപടി.
രണ്ടു ഹറം പള്ളികള്‍ക്കുള്ളില്‍ മാസ്‌ക് ധരിക്കുന്നത് തുടരേണ്ടതിന്റെ പ്രാധാന്യം അതോറിറ്റി തങ്ങളുടെ ബോധവല്‍ക്കരണ പ്രസിദ്ധീകരണത്തിലൂടെ ഊന്നിപ്പറഞ്ഞു. പകര്‍ച്ചവ്യാധി വൈറസുകളെ തടയുന്നതിനും അണുബാധയുടെ വ്യാപനം തടയുന്നതിനും ലക്ഷ്യമിട്ടുള്ള പ്രതിരോധ നടപടികളുടെ ഭാഗമാണിത്. തീര്‍ഥാടകരുടെ തിരക്ക് കൂടുതലുള്ള സീസണുകളില്‍ രോഗപ്പകര്‍ച്ച തടയാന്‍ മാസ്‌ക് ധരിക്കുന്നത് അത്യന്താപേക്ഷിതമാണെന്നും അതോറിറ്റി ഓര്‍മ്മിപ്പിച്ചു. തീര്‍ഥാടകര്‍ ആരോഗ്യ സുരക്ഷാ നിര്‍ദ്ദേശങ്ങള്‍ കര്‍ശനമായി പാലിക്കണമെന്നും അതോറിറ്റി അഭ്യര്‍ഥിച്ചു.
Related News
