ജിദ്ദ: 34 വര്‍ഷത്തെ സജീവ പ്രവാസ ജീവിതം അവസാനിപ്പിച്ച് നാട്ടിലേക്ക് മടങ്ങുന്ന പ്രമുഖ സാംസ്‌കാരിക സാമൂഹിക പ്രവര്‍ത്തകനും മര്‍ക്കസ് ഗ്ലോബല്‍ സെക്രട്ടറിയുമായ ഗഫൂര്‍ മസ്റ്റര്‍ വാഴക്കാടിന് ജിദ്ദയിലെ പ്രാസ്ഥാനിക കുടുംബം സ്‌നേഹോഷ്മളമായ യാത്രയയപ്പ് നല്‍കി. യാത്രയയപ്പ് സംഗമത്തില്‍ ജിദ്ദയിലെ സാമൂഹിക, സാംസ്‌കാരിക, സംഘടനാ രംഗത്തെ പ്രമുഖര്‍ പങ്കെടുത്തു.
യഹ്യ ഖലീല്‍ നൂറാനിയുടെ അധ്യക്ഷതയില്‍ നടന്ന ചടങ്ങ് മുജീബ് എ ആര്‍ നഗര്‍ സംഗമം ഉദ്ഘാടനം ചെയ്തു. സയ്യിദ് സൈനുല്‍ ആബിദീന്‍ തങ്ങള്‍ സ്വാഗതമാശംസിച്ചു. മൂന്നര പതിറ്റാണ്ട് കാലം പ്രവാസ ലോകത്ത് വിവിധ രംഗങ്ങളില്‍ സ്തുത്യര്‍ഹമായ സേവനം കാഴ്ചവെച്ച ഗഫൂര്‍ മാസ്റ്റര്‍ വാഴക്കാടിന്റെ പ്രവര്‍ത്തനങ്ങളെ ചടങ്ങില്‍ സംസാരിച്ചവര്‍ പ്രശംസിച്ചു.
ബഷീര്‍ മാസ്റ്റര്‍ പറവൂര്‍ , ഹസ്സന്‍ സഖാഫി, ഹനീഫ് അമാനി, അഹമ്മദ് നിസാമി, അഷ്‌റഫ് കൊടിയത്തൂര്‍, സാദിഖ് ചാലിയാര്‍, ത്വല്‍ഹത്ത് കൊളത്തറ, ഷമീര്‍ കുന്നത്ത്, ബാവ ഹാജി കൂമണ്ണ എന്നിവര്‍ ആശംസകള്‍ നേര്‍ന്ന് സംസാരിച്ചു. ജിദ്ദയിലെ വിവിധ സംഘടനാ സംവിധാനങ്ങളുടെ സ്‌നേഹോപഹാരങ്ങള്‍ ചടങ്ങില്‍ വെച്ച് ഗഫൂര്‍ വാഴക്കാടിന് കൈമാറി. ഐ.സി.എഫ്, ആര്‍.എസ്.സി, മര്‍ക്കസ് ജിദ്ദ കമ്മിറ്റികള്‍ അദ്ദേഹത്തെ ആദരിച്ചു. തനിക്ക് ലഭിച്ച ഊഷ്മളമായ യാത്രയയപ്പിനും സഹപ്രവര്‍ത്തകരുടെ സ്‌നേഹത്തിനും ഗഫൂര്‍ മാസ്റ്റര്‍ മറുപടി പ്രസംഗത്തില്‍ നന്ദി രേഖപ്പെടുത്തി. റഷീദ് പന്തല്ലൂര്‍ ചടങ്ങിന് നന്ദി പറഞ്ഞു.
Related News
