ജിദ്ദ: യു.ടി.എസ്.സി അവതരിപ്പിച്ച അല്‍ അഹ്റാം ട്രാവല്‍ ഗള്ളി ക്രിക്കറ്റ് 2025 (പവര്‍ഡ് ബൈ ഗേറ്റ്വേ ഫാബ്രിക്കേഷന്‍) ടൂര്‍ണമെന്റില്‍ MK 11 കിരീടം നേടി. ആവേശകരമായ ഫൈനലില്‍ ടീം ടി.സി.എഫ്.നെ 20 റണ്‍സിന് പരാജയപ്പെടുത്തിയാണ് MK 11 വിജയകിരീടം ഉയര്‍ത്തിയത്.
ടൂര്‍ണമെന്റില്‍ 10 ടീമുകള്‍ പങ്കെടുത്തു. ഫൈനലില്‍ മികച്ച ഓള്‍റൗണ്ട് പ്രകടനം കാഴ്ചവെച്ച ബാദുഷ (MK11) മാന്‍ ഓഫ് ദ് ഫൈനല്‍ ആയി തെരഞ്ഞെടുക്കപ്പെട്ടു. മികച്ച ബാറ്റ്‌സ്മാനായി ഡയഫിസ് (TCF), മികച്ച ബൗളറായി അസ്ലം (കിനാനി), മികച്ച ക്യാച്ചിനുള്ള അവാര്‍ഡ് കബീര്‍ (കിനാനി) എന്നിവര്‍ക്ക് ലഭിച്ചു. ടൂര്‍ണമെന്റിലെ മോസ്റ്റ് വാല്യൂബിള്‍ പ്ലെയര്‍ ഡയഫിസ് (TCF) ആയി തിരഞ്ഞെടുക്കപ്പെട്ടു.

പുരസ്‌കാരദാനചടങ്ങിന് ടൂര്‍ണമെന്റ് കണ്‍വീനര്‍ നിര്‍ഷാദ്, യു.ടി.എസ്.സി അംഗം അജ്മല്‍ എന്നിവര്‍ നേതൃത്വം നല്‍കി. ചടങ്ങില്‍ അല്‍ അഹ്റാം ട്രാവല്‍, ഗേറ്റ്വേ ഫാബ്രിക്കേഷന്‍ എന്നിവയുടെ പ്രതിനിധികളായ ഹസന്‍ നാദിര്‍ഷ (അസിസ്റ്റന്റ് സി.ഇ.ഒ), നിസാര്‍ (ഐ.ടി. ഹെഡ്), ഇനാം ഉര്‍ റഹ്‌മാന്‍ (കോര്‍പ്പറേറ്റ് മാനേജര്‍), സൈന്‍ ഖാലിദ് (റപ്രസന്റേറ്റീവ്, ഗേറ്റ്വേ ഫാബ്രിക്കേഷന്‍), റിഫാസ് (GOJ), സലിം വി പി (തണല്‍ ജിദ്ദ), അര്‍ഷാദ് അച്ചാരത്ത് (TMWA ജിദ്ദ), മുഹമ്മദ് ബൈജു (CIGI), മുഹമ്മദ് കബീര്‍ (തറവാട്), റഫ്ഷാദ് (Baagh D) എന്നിവരും പങ്കെടുത്തു. ചാമ്പ്യന്‍മാരായ ടീം എം.കെ 11-ന് ട്രോഫിയും ക്യാഷ് അവാര്‍ഡും നല്‍കി. വ്യക്തിഗത പുരസ്‌കാര ജേതാക്കള്‍ക്കും ട്രോഫികള്‍ സമ്മാനിച്ചു.