ജിദ്ദ: ലോകത്തിലെ ഏറ്റവും വലിയ മതേതര ജനാധിപത്യ രാജ്യമായ ഇന്ത്യയില്, രാഷ്ട്രശില്പികള് വിഭാവനം ചെയ്തതും ഭരണഘടന ഉയര്ത്തിപ്പിടിക്കുന്നതുമായ അടിസ്ഥാന മൂല്യങ്ങള് സംരക്ഷിക്കണമെന്ന് ജിദ്ദ കെ.എം.സി.സി സെന്ട്രല് കമ്മിറ്റി യോഗം ആവശ്യപ്പെട്ടു. വിദ്യാര്ത്ഥി സമരങ്ങളെ അടിച്ചൊതുക്കുന്നതും സമരപോരാളികളെ കള്ളക്കേസില് കുടുക്കി പീഡിപ്പിക്കുന്നതും ന്യൂനപക്ഷ വിദ്യാഭ്യാസ സ്ഥാപനങ്ങളെ തകര്ക്കുന്നതും നമ്മുടെ മഹത്തായ രാജ്യത്തിന്റെ സല്പേരിന് കളങ്കം ചാര്ത്തുന്ന നടപടിയാണ്.
രാജ്യത്തിന്റെ സ്വാതന്ത്ര്യത്തിനുവേണ്ടി രാഷ്ട്രപിതാവ് മഹാത്മാഗാന്ധിക്കൊപ്പം പോരാടിയ ധീരദേശാഭിമാനി മൗലാന മുഹമ്മദലിയുടെ മഹത്തായ നാമത്തിലുള്ള സര്വകലാശാല പോലും പൊളിച്ചുമാറ്റലിന്റെ ഭീഷണി നേരിടുന്നത് രാജ്യസ്നേഹികളില് അങ്ങേയറ്റത്തെ പ്രയാസമുണ്ടാക്കുന്ന വിഷയമാണെന്ന് യോഗം വിലയിരുത്തി. ശാസ്ത്രസാങ്കേതിക രംഗങ്ങളില് ലോകത്തെ അത്ഭുതപ്പെടുത്തുന്ന വളര്ച്ചയും മുന്നേറ്റവും നടത്തിയ രാജ്യത്ത്, ഇന്ന് ഭാവി ഇന്ത്യയെ കെട്ടിപ്പടുക്കേണ്ട വിദ്യാര്ത്ഥികളുടെ പരീക്ഷകളുടെ വിശ്വാസ്യത പോലും നഷ്ടപ്പെടുത്തുന്നത് രാജ്യത്തിന്റെ ഭാവിയെ അപകടപ്പെടുത്തുന്നതിന് തുല്യമാണെന്ന് യോഗം ചൂണ്ടിക്കാട്ടി.
പ്രസിഡന്റ് അബൂബക്കര് അരിമ്പ്ര അധ്യക്ഷത വഹിച്ചു. ജനറല് സെക്രട്ടറി വി.പി. മുസ്തഫ സ്വാഗതവും ജലാല് തേഞ്ഞിപ്പലം നന്ദിയും പറഞ്ഞു. എ.കെ. ബാവ, ലത്തീഫ് മുസ്ല്യാരങ്ങാടി, ഹസ്സന് ബത്തേരി, നാസര് മച്ചിങ്ങല്, ലത്തീഫ് കളരാന്തരി, ഷൗക്കത്ത് ഞാറക്കോടന്, സുബൈര് വട്ടോളി, ഹുസൈന് കരിങ്കറ, സിറാജ് കണ്ണവം, ഷക്കീര് മണ്ണാര്ക്കാട്, ലത്തീഫ് വെള്ളമുണ്ട എന്നിവര് ചര്ച്ചയില് പങ്കെടുത്തു.
Related News
