ദോഹ: ഖത്തറിലെ റാസ് ലഫാന്‍ വ്യവസായ മേഖലയിലുള്ള ഒരു ഫാക്ടറിയില്‍ സ്ഫോടനം. ഏതാനും പേര്‍ക്ക് പരിക്കേറ്റു. പ്രവര്‍ത്തനത്തിനിടെ ഉണ്ടായ സാങ്കേതിക തകരാറാണ് സ്ഫോടനത്തിനു കാരണമെന്ന് അധികൃതര്‍ അറിയിച്ചു. വിവരമറിഞ്ഞ ഉടന്‍ തന്നെ സിവില്‍ ഡിഫന്‍സ് സംഘം സ്ഥലത്തെത്തി രക്ഷാപ്രവര്‍ത്തനങ്ങള്‍ ആരംഭിക്കുകയും ആവശ്യമായ സുരക്ഷാ മുന്‍കരുതലുകള്‍ സ്വീകരിക്കുകയും ചെയ്തതായി ആഭ്യന്തര മന്ത്രാലയം വെളിപ്പെടുത്തി.
സംഭവത്തില്‍ ചിലര്‍ക്ക് പരിക്കേറ്റതായി മന്ത്രാലയം പുറത്തിറക്കിയ പ്രസ്താവനയില്‍ സ്ഥിരീകരിച്ചു. അതേസമയം, പൊതുജന സുരക്ഷയ്ക്ക് ഭീഷണിയാകുന്ന രീതിയില്‍ വാതക ചോര്‍ച്ചയോ അപകടകരമായ വസ്തുക്കളുടെ വ്യാപനമോ ഉണ്ടായിട്ടില്ലെന്ന് അധികൃതര്‍ വ്യക്തമാക്കി. സംഭവത്തില്‍ ഉന്നതതല അന്വേഷണം തുടരുകയാണെന്നും സ്ഥിതിഗതികള്‍ മന്ത്രാലയം സൂക്ഷ്മമായി നിരീക്ഷിച്ചുവരികയാണെന്നും അധികൃതര്‍ കൂട്ടിച്ചേര്‍ത്തു.
Related News
