ജിദ്ദ: വിശുദ്ധ ഹജ്ജ് കര്‍മത്തിനായി സൗദി അറേബ്യയിലെത്തിയ പ്രഗത്ഭ എഴുത്തുകാരനും ചിന്തകനും വാഗ്മിയുമായ ടി.പി.എം. ബഷീറിന് ജിദ്ദ വള്ളിക്കുന്ന് മണ്ഡലം കെ.എം.സി.സി. കമ്മിറ്റി സ്വീകരണം നല്‍കി. ഷറഫിയ എലാറ റെസ്റ്റോറന്റ് ഓഡിറ്റോറിയത്തില്‍ നടന്ന ചടങ്ങ് ജിദ്ദ കെ.എം.സി.സി. സെന്‍ട്രല്‍ കമ്മിറ്റി പ്രസിഡന്റ് അബൂബക്കര്‍ അരിമ്പ്ര ഉദ്ഘാടനം ചെയ്തു.
ചടങ്ങില്‍ ജിദ്ദ കെ.എം.സി.സി. സെന്‍ട്രല്‍ കമ്മിറ്റി ജനറല്‍ സെക്രട്ടറി വി.പി. മുസ്തഫ, സെന്‍ട്രല്‍ കമ്മിറ്റി നേതാക്കളായ ജലാല്‍ തേഞ്ഞിപ്പലം, ഇസ്ഹാഖ് പൂണ്ടോളി, ശിഹാബ് താമരക്കുളം, സാബില്‍ മമ്പാട്, ജിദ്ദ മലപ്പുറം ജില്ലാ കെ.എം.സി.സി. നേതാക്കളായ സൈതലവി ഏറനാട്, നൗഫല്‍ ഉള്ളാടന്‍, മജീദ് കള്ളിയില്‍, ദയ ജിദ്ദ ചാപ്റ്റര്‍ പ്രസിഡന്റ് സീതി കോളക്കാടന്‍ തുടങ്ങിയവര്‍ ആശംസകള്‍ നേര്‍ന്നു. സെന്‍ട്രല്‍ കമ്മിറ്റി ജനറല്‍ സെക്രട്ടറി വി.പി. മുസ്തഫ, ടി.പി.എം. ബഷീറിനെ പൊന്നാടയണിയിച്ച് ആദരിച്ചു. തുടര്‍ന്ന് വള്ളിക്കുന്ന് മണ്ഡലം കെ.എം.സി.സിയുടെ സ്‌നേഹോപഹാരം ഷമീം അലി, ജംഷീര്‍, അബ്ദുല്‍ ഗഫൂര്‍ എന്നിവര്‍ ചേര്‍ന്ന് കൈമാറി.
ഹജ്ജ് കര്‍മത്തിനായി സൗദി ഭരണകൂടം ഒരുക്കിയിട്ടുള്ള മികച്ച സൗകര്യങ്ങളെയും ഇന്ത്യന്‍ കോണ്‍സുലേറ്റിന്റെ സേവനങ്ങളെയും ടി.പി.എം. ബഷീര്‍ തന്റെ മറുപടി പ്രസംഗത്തില്‍ പ്രത്യേകം അഭിനന്ദിച്ചു. തന്റെ ഹജ്ജ് അനുഭവങ്ങള്‍ പങ്കുവെച്ച അദ്ദേഹം, മാറിവരുന്ന കേരള രാഷ്ട്രീയ സാഹചര്യങ്ങളെക്കുറിച്ച് വിശകലനം നടത്തുകയും ചെയ്തു. അബ്ദുല്‍ കരീം കൊടക്കാടിന്റെ ഖിറാഅത്തോടെ ആരംഭിച്ച പരിപാടിയില്‍ ജംഷീര്‍ മൂന്നിയൂര്‍ സ്വാഗതവും അന്‍വര്‍ ചെമ്പന്‍ നന്ദിയും പറഞ്ഞു. ഷമീം അലി പരിപാടി നിയന്ത്രിച്ചു.
