മക്ക: ഹജ്ജ് തീര്‍ത്ഥാടന വേളയില്‍ മസ്ജിദുല്‍ ഹറാമില്‍ (ഗ്രാന്‍ഡ് മോസ്‌ക്) തീര്‍ത്ഥാടകരെ സേവിക്കുന്നതില്‍ മികച്ച പ്രൊഫഷണലിസവും കാര്യക്ഷമതയും തെളിയിച്ച് സൗദി വനിതകള്‍. ഭരണകൂടത്തിന്റെ വനിതാ ശാക്തീകരണ പദ്ധതികളുടെ പിന്തുണയോടെ, നേതൃത്വപരമായ പങ്കുവഹിച്ചാണ് ഇത്തവണയും അവര്‍ മാതൃകയാകുന്നത്.
ജനകൂട്ട നിയന്ത്രണം, വനിതാ തീര്‍ത്ഥാടകര്‍ക്കായുള്ള ഫീല്‍ഡ് ഗൈഡന്‍സ്, ആരോഗ്യ സേവനങ്ങള്‍, മാനുഷിക സന്നദ്ധ പ്രവര്‍ത്തനങ്ങള്‍ എന്നിവയുള്‍പ്പെടെയുള്ള പ്രധാനപ്പെട്ട ഉത്തരവാദിത്തങ്ങളാണ് ഇവര്‍ വിജയകരമായി കൈകാര്യം ചെയ്യുന്നത്.
തീര്‍ത്ഥാടകര്‍ക്ക് ആശ്വാസവും സമാധാനവും സുരക്ഷിതത്വവും ഉറപ്പാക്കുന്ന സംയോജിത സേവന സംവിധാനത്തിലേക്ക് സൗദി വനിതകള്‍ നല്‍കുന്ന സംഭാവനകള്‍ വലുതാണ്. ഈ വിപുലമായ ഫീല്‍ഡ് സാന്നിധ്യം, രാജ്യത്തെ വനിതാ പ്രതിഭകള്‍ കൈവരിച്ച മികച്ച പരിശീലനത്തിന്റെയും ഉയര്‍ന്ന പ്രാവീണ്യത്തിന്റെയും തെളിവാണെന്ന് വിലയിരുത്തപ്പെടുന്നു.
Related News
