ജിദ്ദ: ഹാജിമാര്‍ക്ക് സേവനത്തിന്റെ തണലൊരുക്കാന്‍ സജ്ജമായി ഐ.സി.എഫ് - ആര്‍.എസ്.സി സംയുക്ത ഹജ്ജ് വളണ്ടിയര്‍ കോര്‍ (HVC 2026). ഇതിന്റെ ഭാഗമായി വളണ്ടിയര്‍മാര്‍ക്കായി പ്രത്യേക അസംബ്ലിയും 'മിന പഠന' ക്യാമ്പും സംഘടിപ്പിച്ചു.
അബു മിസ്ബാഹ് ഐക്കരപ്പടിയുടെ അധ്യക്ഷതയില്‍ നടന്ന സംഗമം ഖാസിം സഖാഫി ഉദ്ഘാടനം ചെയ്തു. സിദ്ധീഖ് മുസ്ല്യാര്‍ സ്വാഗതം പറഞ്ഞു. സംഗമത്തില്‍ 'മിന പഠനം' എന്ന വിഷയത്തില്‍ മുഹ്‌സിന്‍ സഖാഫി ക്ലാസെടുത്തു. ഹജ്ജ് വേളയില്‍ വളണ്ടിയര്‍ സേവനം നടത്തുന്നതിന്റെ പ്രായോഗിക രൂപവും പാലിക്കേണ്ട നിര്‍ദ്ദേശങ്ങളും സംബന്ധിച്ച് സാദിഖ് ചാലിയാര്‍ വിശദീകരിച്ചു. തുടര്‍ന്ന് മുജീബ് എ.ആര്‍ നഗര്‍ സംസാരിച്ചു.
ആദ്യ ഹാജി എത്തിയത് മുതല്‍ ഐ.സി.എഫ്, ആര്‍.എസ്.സി വളണ്ടിയര്‍മാര്‍ സേവനരംഗത്ത് കര്‍മ്മനിരതരാണ്. വരും ദിവസങ്ങളില്‍ ഹജ്ജിന്റെ പ്രധാന കര്‍മ്മങ്ങള്‍ നടക്കുന്ന അറഫ, മിന, മുസ്ദലിഫ എന്നിവിടങ്ങളിലും, കൂടാതെ മെട്രോ റെയില്‍വേ സ്റ്റേഷനുകള്‍, അസീസിയ എന്നിവിടങ്ങളിലും വളണ്ടിയര്‍മാരുടെ സേവനം കൂടുതല്‍ സജീവമാകും. പവിത്രമായ ഹജ്ജ് കര്‍മ്മത്തിനെത്തുന്ന തീര്‍ത്ഥാടകര്‍ക്ക് പൂര്‍ണ്ണ പിന്തുണയും സാന്ത്വനവും നല്‍കുക എന്നതാണ് വളണ്ടിയര്‍ കോര്‍ ലക്ഷ്യമിടുന്നത്.
Related News
