നെടുമ്പാശ്ശേരി: പ്രവാസികളുടെയും മുന് പ്രവാസികളുടെയും ദീര്ഘകാലമായുള്ള ആവശ്യങ്ങള് ഉള്ക്കൊള്ളിച്ച യുഡിഎഫ് പ്രകടനപത്രികയെ പ്രവാസി കോണ്ഗ്രസ് നെടുമ്പാശ്ശേരി ബ്ലോക്ക് കമ്മിറ്റി സ്വാഗതം ചെയ്തു. പ്രവാസി വിഷയങ്ങളില് സംസ്ഥാന സര്ക്കാരിന് നിരവധി നിവേദനങ്ങള് നല്കിയിട്ടും നടപടികള് ഉണ്ടാകാത്ത സാഹചര്യത്തിലാണ് യുഡിഎഫ് മുന്നണി പ്രവാസികള്ക്ക് വലിയ പരിഗണന നല്കിയിരിക്കുന്നത്.
പ്രവാസി കോണ്ഗ്രസ് സംസ്ഥാന കമ്മിറ്റി സമര്പ്പിച്ച നിര്ദ്ദേശങ്ങളില് 80 ശതമാനവും പ്രകടനപത്രികയില് ഉള്പ്പെടുത്തിയ യുഡിഎഫ് നേതൃത്വത്തെ യോഗം അഭിനന്ദിച്ചു. പ്രവാസി പെന്ഷന് വര്ദ്ധിപ്പിക്കുക, 60 വയസ്സ് കഴിഞ്ഞ പ്രവാസികളെയും പെന്ഷന് പദ്ധതിയില് ഉള്പ്പെടുത്തുക, തദ്ദേശ സ്വയംഭരണ സ്ഥാപനങ്ങളില് പ്രവാസി ഗ്രാമസഭകള് വിളിച്ചുചേര്ക്കുക, പ്രവാസി സ്റ്റാന്ഡിംഗ് കമ്മിറ്റികള് രൂപീകരിക്കുക, നോര്ക്ക, സാന്ത്വനം, ചെയര്മാന് ഫണ്ട് എന്നിവയുടെ വരുമാന പരിധി ഉയര്ത്തുകയും സഹായ തുക വര്ദ്ധിപ്പിക്കുകയും ചെയ്യുക, തിരിച്ചുവന്ന പ്രവാസികള്ക്കായി സമഗ്ര പുനരധിവാസ നയം രൂപീകരിക്കുക,
സിയാല് മാതൃകയില് പ്രവാസി കോര്പ്പറേഷന് രൂപീകരിക്കുക, പ്രവാസികള്ക്കായി ആരോഗ്യ ഇന്ഷുറന്സ് പദ്ധതിയും അഗതികളായ പ്രവാസികള്ക്കായി 'പ്രവാസി ഭവനങ്ങളും' സ്ഥാപിക്കുക, ചെറുകിട വ്യവസായങ്ങള് തുടങ്ങാനുള്ള വായ്പാനടപടികള് ലളിതമാക്കുകയും പലിശ കുറയ്ക്കുകയും ചെയ്യുക തുടങ്ങിയ ആവശ്യങ്ങളാണ് ഉന്നയിച്ചിരുന്നത്.
ആലുവ മണ്ഡലത്തിലെ യുഡിഎഫ് സ്ഥാനാര്ത്ഥി അന്വര് സാദത്തിന്റെ വിജയത്തിനായി ശക്തമായ പ്രചാരണം നടത്താനും പ്രവാസി കോണ്ഗ്രസ് ബ്ലോക്ക് നേതൃയോഗം തീരുമാനിച്ചു.
ബ്ലോക്ക് പ്രസിഡന്റ് പി.കെ. സെബാസ്റ്റ്യന് അധ്യക്ഷത വഹിച്ച യോഗം സംസ്ഥാന സെക്രട്ടറി ബിജു കെ. മുണ്ടാടന് ഉദ്ഘാടനം ചെയ്തു. ബ്ലോക്ക് പഞ്ചായത്ത് അംഗവും ജില്ലാ ജനറല് സെക്രട്ടറിയുമായ രാജി ആന്റണി, ബെന്നി അറക്കല്, അബു കുന്നിശ്ശേരി, സുലൈമാന് കോട്ടപ്പുറത്ത്, അനില്കുമാര് കാഞ്ഞൂര്, ഇസ്മായില് ചെങ്ങമനാട്, വിശ്വേശ്വരന് സി.കെ, ജോര്ജ് കുറിയേടന്, സെബി കരുമത്തി, ബിജു പയ്യപ്പിള്ളി, ജോബ് പടയാട്ടി, ബഷീര് പി.എസ്, കെ.പി. സിദ്ധിഖ്, മെജോ ജോസ് തുടങ്ങിയവര് സംസാരിച്ചു.
Related News
