ജിസാന്‍: ജിസാന്‍ ആര്‍ട്ട് ലവേഴ്സ് അസോസിയേഷന്‍ (ജല) ബെയിഷ് യൂണിറ്റ് കമ്മിറ്റിയുടെ ആഭിമുഖ്യത്തില്‍ മതേതര ഇഫ്താര്‍ സംഗമം സംഘടിപ്പിച്ചു. ഒരുമയുടെയും സ്നേഹത്തിന്റെയും സന്ദേശം പകര്‍ന്ന ഇഫ്താര്‍ സംഗമം ബെയിഷിലെ വിവിധ പ്രവാസി സംഘടനാ നേതാക്കളുടെയും പ്രവര്‍ത്തകരുരുടെയും പ്രവാസി മലയാളി സമൂഹത്തിന്റെയും സംഗമ വേദിയായി.

യൂണിറ്റ് പ്രസിഡന്റ് കബീര്‍ ചോനാരിയുടെ അധ്യക്ഷതയില്‍ നടന്ന ചടങ്ങില്‍ 'ജല' കേന്ദ്രകമ്മിറ്റി ജനറല്‍ സെക്രട്ടറി സലാം കൂട്ടായി ഉദ്ഘാടനം ചെയ്തു. 'ജല' കേന്ദ്ര കമ്മിറ്റി വൈസ് പ്രസിഡന്റ് ഹനീഫ മൂന്നിയൂര്‍, ലോകകേരള സംഭാംഗം എ.എം.അബ്ദുള്ളക്കുട്ടി, 'ജല' ട്രഷറര്‍ ഡോ.ജോ വര്‍ഗീസ്, വൈസ് പ്രസിഡന്റ് ഡോ.രമേശ് മൂച്ചിക്കല്‍, ബാപ്പുട്ടി നാലകത്ത്, മുഹമ്മദ്, ഷെരീഫ്, മുഹമ്മദലി വളമംഗലം, സുഹൈല്‍ സഖാഫി, കുഞ്ഞുട്ടി വഴിക്കടവ്, കുഞ്ഞിക്കോയ തങ്ങള്‍ എന്നിവര്‍ ആശംസകള്‍ നേര്‍ന്നു. യൂണിറ്റ് ഭാരവാഹികളായ മാഹിന്‍ കൊല്ലം, കമറുദ്ദീന്‍ വേങ്ങര, രവി മധുരപ്പള്ളി, ഗോകുല്‍ദാസ്, ജയന്‍ വളാഞ്ചേരി,റഹീസ്, റഷീദ് എന്നിവര്‍ പരിപാടികള്‍ക്ക് നേതൃത്വം നല്‍കി.