ന്യൂഡല്‍ഹി: അന്താരാഷ്ട്ര വിപണിയില്‍ ഊര്‍ജ്ജവില കുതിച്ചുയരുന്ന സാഹചര്യത്തില്‍ രാജ്യത്ത് ഗാര്‍ഹിക പാചകവാതക (LPG) വിലയില്‍ വന്‍ വര്‍ദ്ധനവ്. സിലിണ്ടറിന് 60 രൂപയാണ് ശനിയാഴ്ച വര്‍ദ്ധിപ്പിച്ചത്. പുതുക്കിയ നിരക്ക് മാര്‍ച്ച് 7 മുതല്‍ നിലവില്‍ വന്നതായി എണ്ണക്കമ്പനികള്‍ അറിയിച്ചു. ഒരു വര്‍ഷത്തിനിടെ ഗാര്‍ഹിക സിലിണ്ടറിന് ഉണ്ടാകുന്ന രണ്ടാമത്തെ വലിയ വിലവര്‍ദ്ധനവാണിത്.
വാണിജ്യ ആവശ്യങ്ങള്‍ക്കുള്ള എല്‍.പി.ജി സിലിണ്ടറിന് ഈ വര്‍ഷം മാത്രം ഇതുവരെ 302.50 രൂപയുടെ വര്‍ദ്ധനവാണ് രേഖപ്പെടുത്തിയിരിക്കുന്നത്. കഴിഞ്ഞ വര്‍ഷം ഏപ്രിലില്‍ സിലിണ്ടറിന് 50 രൂപ വര്‍ദ്ധിപ്പിച്ചതായിരുന്നു ഇതിനു മുന്‍പത്തെ വലിയ മാറ്റം.
കഴിഞ്ഞ വാരന്ത്യത്തില്‍ ഇറാനുനേരെ അമേരിക്കയും ഇസ്രായേലും നടത്തിയ സൈനിക നീക്കങ്ങളെത്തുടര്‍ന്ന് മധ്യപൂര്‍വേഷ്യയില്‍ യുദ്ധം പടര്‍ന്നതാണ് ആഗോള വിപണിയില്‍ ഊര്‍ജ്ജവില ഉയരാന്‍ കാരണമായതെന്ന് എണ്ണക്കമ്പനി ഉദ്യോഗസ്ഥര്‍ വ്യക്തമാക്കി.
ലോകത്തെ പ്രധാന എണ്ണ-വാതക കയറ്റുമതി പാതയായ ഹോര്‍മുസ് കടലിടുക്കിലൂടെയുള്ള ടാങ്കര്‍ നീക്കം യുദ്ധം മൂലം ഏതാണ്ട് പൂര്‍ണ്ണമായും നിലച്ചിരിക്കുകയാണ്. ഇറാനും ഒമാനും ഇടയിലുള്ള ഈ തന്ത്രപ്രധാനമായ പാത തടസ്സപ്പെട്ടതോടെ ആഗോള വിപണിയില്‍ ഇന്ധനലഭ്യത കുറഞ്ഞതും വില കുതിച്ചുയരാന്‍ കാരണമായി.
.jpg)
Related News
