റിയാദ്: ജീവകാരുണ്യ രംഗത്ത് സൗദി കെഎംസിസി നടത്തിവരുന്ന പ്രവര്‍ത്തനങ്ങള്‍ തുല്യത ഇല്ലാത്തതാണെന്ന് മുസ്ലിം ലീഗ് ദേശീയ സെക്രട്ടറിയും ന്യൂഡല്‍ഹി കെഎംസിസി പ്രസിഡണ്ടുമായ അഡ്വക്കറ്റ് ഹാരിസ് ബീരാന്‍ എംപി അഭിപ്രായപ്പെട്ടു. റിയാദില്‍ പ്രവാസിയായിരിക്കെ മരണപ്പെട്ട ആലങ്ങാട് തുരുത്തിയത് സോമനാഥന്റെ ആശ്രിതര്‍ക്കുള്ള സൗദി കെഎംസിസി സാമൂഹ്യ സുരക്ഷാ പദ്ധതിയില്‍ നിന്നുള്ള 6 ലക്ഷം രൂപയുടെ മരണാനന്തര ആനുകൂല്യം വിതരണ ചടങ്ങില്‍ സംസാരിക്കുകയായിരുന്നു അദ്ദേഹം.

മുസ്ലീം ലീഗ് ജില്ലാ ജനറല്‍ സെക്രട്ടറി അഡ്വ. വി ഇ അബ്ദുല്‍ ഗഫൂര്‍ അധ്യക്ഷത വഹിച്ചു.സൗദി കെഎംസിസി കിഴക്കന്‍ പ്രവിശ്യാ മുന്‍ സെക്രട്ടറി സിറാജ് ആലുവ ആമുഖ പ്രഭാഷണം നടത്തി. ഡിസിസി ജനറല്‍ സെക്രട്ടറിമാരായ കെ വി പോള്‍, ബാബു മാത്യു, കോണ്‍ഗ്രസ് ആലങ്ങാട് ബ്ലോക്ക് പ്രസിഡന്റ് സെബാസ്റ്റ്യന്‍, ആലങ്ങാട് ഗ്രാമപഞ്ചായത്ത് പ്രസിഡന്റ് വിജി ജോളി, വൈസ് പ്രസിഡന്റ് വി ബി ജബ്ബാര്‍, മണ്ഡലം കോണ്‍ഗ്രസ് പ്രസിഡണ്ട് മാരായ ലിയാഖ ത്തലി മൂപ്പന്‍, ലിന്റോ അഗസ്റ്റിന്‍, ഗ്രാമപഞ്ചായത്ത് അംഗങ്ങളായ ഹസീന ശിഹാബ്, ജോസ് ഗോപുരത്തിങ്കല്‍, മുസ്ലിം ലീഗ് കോണ്‍ഗ്രസ് നേതാക്കളായ എം എം അബ്ദുല്‍ സത്താര്‍, അഗസ്റ്റിന്‍ ആക്കുന്നത്ത്, ഗര്‍വാസീസ് മാനാടന്‍ എന്നിവര്‍ ആശംസകള്‍ നേര്‍ന്നു. ആലങ്ങാട് ഗ്രാമപഞ്ചായത്ത് അംഗം സുനില്‍ തിരുവാലൂര്‍ സ്വാഗതവും കളമശ്ശേരി മണ്ഡലം മുസ്ലിം ലീഗ് ജനറല്‍ സെക്രട്ടറി അഷ്‌റഫ് പാനായിക്കുളം നന്ദിയും പറഞ്ഞു


ഫോട്ടോ : റിയാദില്‍ പ്രവാസിയായിരിക്കെ മരണപ്പെട്ട തുരുത്തിയില്‍ സോമനാഥന്റെ കുടുംബത്തിന് സൗദി കെഎംസിസി സുരക്ഷാ പദ്ധതി
യില് നിന്നുള്ള ആറുലക്ഷം രൂപയുടെ മരണാനന്തര ആനുകൂല്യം അഡ്വ ഹാരിസ് ബീരാന്‍ എംപി കൈമാറുന്നു.