കൊച്ചി: ലോകപ്രശസ്ത സെര്‍ബിയന്‍ കലാകാരിയും 'പെര്‍ഫോമന്‍സ് ആര്‍ട്ടിന്റെ മുത്തശ്ശി' എന്ന് വിശേഷിപ്പിക്കപ്പെടുന്നയാളുമായ മറിന അബ്രമോവിക്, കൊച്ചി-മുസിരിസ് ബിനാലെയില്‍ ഇന്ത്യന്‍ പ്രേക്ഷകരെ ആവേശം കൊള്ളിച്ചു. വില്ലിംഗ്ഡണ്‍ ഐലന്‍ഡിലെ സമുദ്ര കണ്‍വെന്‍ഷന്‍ സെന്ററില്‍ നടന്ന ചടങ്ങില്‍ തന്റെ വിപ്ലവകരമായ കലാനുഭവങ്ങള്‍ പങ്കുവെച്ചുകൊണ്ട് അവര്‍ നടത്തിയ പ്രഭാഷണം ഹൃദയസ്പര്‍ശിയായി.
ശരീരകല , സഹിഷ്ണുതയുടെ കല , കലാകാരനും സദസ്യരും തമ്മിലുള്ള ആത്മബന്ധം, മനുഷ്യശരീരത്തിന്റെ പരിമിതികള്‍, മനസ്സിന്റെ അനന്തസാധ്യതകള്‍ എന്നിവയിലൂന്നിയ തന്റെ കലാജീവിതത്തെക്കുറിച്ച് അവര്‍ വിശദീകരിച്ചു. പ്രകടനകലയെ (Performance Art) ഒരു അംഗീകൃത കലാരൂപമായി ലോകം അംഗീകരിക്കാന്‍ ആറ് പതിറ്റാണ്ടുകാലത്തെ കഠിനമായ പരിശ്രമം വേണ്ടിവന്നുവെന്ന് അബ്രമോവിക് ഓര്‍മ്മിപ്പിച്ചു.
എണ്‍പതാം വയസ്സിലും പ്രസരിപ്പോടെ വേദിയെ കീഴടക്കിയ മറിനയെ ആയിരത്തോളം വരുന്ന കലാപ്രേമികള്‍ എഴുന്നേറ്റുനിന്ന് കരഘോഷങ്ങളോടെയാണ് സ്വീകരിച്ചത്. സെയ്ഡ്‌സ് ഫൗണ്ടേഷന്‍ വൈസ് ചെയര്‍പേഴ്‌സണ്‍ മേഹാ പട്ടേലും കൊച്ചി മുസിരിസ് ബിനാലെയും സംയുക്തമായാണ് ഈ അവിസ്മരണീയ സംഗമത്തിന് വേദിയൊരുക്കിയത്.
'അനുഭവം, പശ്ചാത്തലം, പങ്കാളിത്തം എന്നിവയിലൂടെ കലയിലേക്കുള്ള പ്രവേശന തടസ്സങ്ങള്‍ കുറയുമ്പോള്‍ കല കൂടുതല്‍ ആഴത്തിലുള്ളതാകും. സമകാലീന പ്രകടനകലയുടെ ചരിത്രത്തില്‍ മറിന അബ്രമോവിക് നല്‍കിയ സംഭാവനകള്‍ സമാനതകളില്ലാത്തതാണ്,' എന്ന് മേഹാ പട്ടേല്‍ പറഞ്ഞു.
.jpg)
Related News
