ദമ്മാം: പ്രവാസി എഴുത്തുകാരന്‍ അസ്ലം കൊളക്കോടന്റെ പുതിയ രണ്ട് പുസ്തകങ്ങള്‍ ദമ്മാമില്‍ നടന്ന ച്രടങ്ങില്‍ പ്രകാശനം ചെയ്തു. 'River of Thoughts' എന്ന ഇംഗ്ലീഷ് കവിതാ സമാഹാരവും, 'മരീചികയോ ഈ മരുപ്പച്ച' എന്ന മലയാളം ഓര്‍മ്മക്കുറിപ്പുകളുമാണ് പുറത്തിറങ്ങിയത്.
മരീചികയോ ഈ മരുപ്പച്ച: പ്രശസ്ത എഴുത്തുകാരനും സംവിധായകനും നടനുമായ ജോയ് മാത്യു പ്രകാശനം ചെയ്തു. ചടങ്ങില്‍ വെച്ച് മുരളി ഊട്ടുകളം പുസ്തകം ഏറ്റുവാങ്ങി.
River of Thoughts പ്രശസ്ത എഴുത്തുകാരനും പ്രഭാഷകനുമായ ശിഹാബുദ്ദീന്‍ പൊയ്ത്തുംകടവ് പ്രകാശനം നിര്‍വ്വഹിച്ചു. ബിസപ് സി.ഇ.ഒ മുഹമ്മദ് സുഹൈല്‍ പുസ്തകം ഏറ്റുവാങ്ങി. സാജിദ് ആറാട്ടുപുഴ, ഫൈസല്‍ ഇരിക്കൂര്‍ എന്നിവര്‍ പുസ്തക പരിചയം നടത്തി. ഡോ. സിന്ധു ബിനു അവതാരകയായിരുന്നു. പ്രശസ്ത മാധ്യമപ്രവര്‍ത്തകനും എഴുത്തുകാരനുമായ അമ്മാര്‍ കിഴുപറമ്പ് മുഖ്യപ്രഭാഷണം നടത്തി
ദമ്മാമിലെ രാഷ്ട്രീയ, സാംസ്‌കാരിക, സാമൂഹിക രംഗങ്ങളിലെ പ്രമുഖര്‍ ചടങ്ങില്‍ പങ്കെടുത്തു. ജനപങ്കാളിത്തം കൊണ്ടും മികച്ച സംഘാടനം കൊണ്ടും ശ്രദ്ധേയമായ പരിപാടി, ദമ്മാം മുന്‍പെങ്ങും കണ്ടിട്ടില്ലാത്ത വിധം മനോഹരമായിരുന്നുവെന്ന് പങ്കെടുത്തവര്‍ അഭിപ്രായപ്പെട്ടു.
ദമ്മാം കെ.എം.സി.സി പ്രസിഡന്റ് സൈനു കുമളി, കെപ്വ ചെയര്‍മാന്‍ ജൗഹര്‍ കുനിയില്‍, ജൂബൈലിലെ സാമൂഹിക പ്രവര്‍ത്തകന്‍ നൗഷാദ് തിരുവനന്തപുരം, പ്രമുഖ സാമൂഹിക പ്രവര്‍ത്തകന്‍ ഷാജി മതിലകം തുടങ്ങിയവര്‍ ആശംസകള്‍ അര്‍പ്പിച്ചു. ഡോ. ടി.പി. മുഹമ്മദ് ഉദ്ഘാടനം നിര്‍വ്വഹിച്ച ചടങ്ങില്‍ ചെയര്‍മാന്‍ ആലിക്കുട്ടി ഒളവട്ടൂര്‍ അധ്യക്ഷനായിരുന്നു. ജനറല്‍ കണ്‍വീനര്‍ മാലിക് മഖ്ബൂല്‍ സ്വാഗതവും ചീഫ് കോര്‍ഡിനേറ്റര്‍ റഹ്‌മാന്‍ കാരയാട് നന്ദിയും പറഞ്ഞു.
അതിഥികള്‍ക്കുള്ള ഉപഹാരങ്ങള്‍ കാദര്‍ ചെങ്കള, മന്‍സൂര്‍ പള്ളൂര്‍, കാദര്‍ മാസ്റ്റര്‍ എന്നിവര്‍ ചേര്‍ന്ന് വിതരണം ചെയ്തു. മഹമൂദ് പൂക്കാട്, സമീര്‍ അരീക്കോട്, ഫൈസല്‍ ഇരിക്കൂര്‍, ഷിറാഫ് മൂലാട്, ഷാനി പയ്യോളി, നജുമു സമാന്‍, അജ്മല്‍ കൊളക്കോടന്‍, അലി ഊരകം, അനസ് ഊരകം, റൂഖിയ റഹ്‌മാന്‍, ഷബ്ന നജീബ് തുടങ്ങിയവര്‍ പരിപാടികള്‍ക്ക് നേതൃത്വം നല്‍കി.
.jpg)
