കവരത്തി: ബംഗാരം, തിണ്ണകര ദ്വീപുകളിലേക്കുള്ള ബോട്ട് സര്‍വീസുകള്‍ക്ക് ഏര്‍പ്പെടുത്തിയിട്ടുള്ള നിയന്ത്രണങ്ങള്‍ അടിയന്തരമായി പിന്‍വലിക്കണമെന്ന് ലക്ഷദ്വീപ് എം.പി. അഡ്വ. ഹംദുള്ള സയീദ് ആവശ്യപ്പെട്ടു. അഡ്മിനിസ്ട്രേറ്ററുടെ അഡൈ്വസര്‍ ഡോ. എസ്.ബി. ദീപക് കുമാറിന് നല്‍കിയ നിവേദനത്തിലാണ് ഈ ആവശ്യം ഉന്നയിച്ചത്.
അഗത്തി ദ്വീപിലെ ബോട്ടുടമകള്‍, ഹോംസ്റ്റേ ഉടമകള്‍, പ്രാദേശിക ടൂറിസം ഓപ്പറേറ്റര്‍മാര്‍, മത്സ്യത്തൊഴിലാളികള്‍ എന്നിവരുടെ ഉപജീവനത്തെ ഈ നിയന്ത്രണങ്ങള്‍ പ്രതികൂലമായി ബാധിക്കുന്നതാണെന്ന് എം.പി. ചൂണ്ടിക്കാട്ടി. നിലവിലെ നിയന്ത്രണങ്ങള്‍ ഒഴിവാക്കി ബോട്ട് സര്‍വീസുകള്‍ പുനരാരംഭിക്കാന്‍ അടിയന്തര നടപടി സ്വീകരിക്കണം.
പ്രാദേശിക ടൂറിസം മേഖലയെയും ദ്വീപ് നിവാസികളുടെ സാമ്പത്തിക സുരക്ഷിതത്വത്തെയും ഈ തീരുമാനം പ്രതികൂലമായി ബാധിക്കുന്നുവെന്ന് നിവേദനത്തില്‍ പചൂണ്ടിക്കാട്ടി. ലക്ഷദ്വീപ് ജനതയുടെ പ്രധാന വരുമാന മാര്‍ഗ്ഗമാണ് ഇല്ലാതായിരിക്കുന്നത്. അതിനാല്‍, കൃത്യമായ സുരക്ഷാ-നിയന്ത്രണ മാനദണ്ഡങ്ങള്‍ പാലിച്ച് ബോട്ട് സര്‍വീസുകള്‍ പുനരാരംഭിക്കാന്‍ ഭരണകൂടം ഉടന്‍ ഇടപെടണമെന്നും എം.പി. അഭ്യര്‍ത്ഥിച്ചു.
Related News
