കോഴിക്കോട്: അമീബിക് ജ്വരം, മഞ്ഞപ്പിത്തം തുടങ്ങിയ മാരകമായ ജലജന്യ രോഗങ്ങള്‍ പടരുന്ന സാഹചര്യത്തില്‍ കുടിവെള്ള ശുദ്ധീകരണത്തിന് പ്രാധാന്യം നല്‍കിക്കൊണ്ട് വീറോണ്‍ വാട്ടര്‍ പ്യൂരിഫയര്‍ കമ്പനി പതിമൂന്നാം വാര്‍ഷികാഘോഷങ്ങളിലേക്ക് കടക്കുന്നു. വാര്‍ഷികത്തോടനുബന്ധിച്ച് ഉപഭോക്താക്കള്‍ക്കായി ആകര്‍ഷകമായ സമ്മാനങ്ങളും വന്‍പിച്ച ഡിസ്‌കൗണ്ടുകളുമാണ് കമ്പനി പ്രഖ്യാപിച്ചിരിക്കുന്നത്.

ജലശുദ്ധീകരണ രംഗത്ത് 13 വര്‍ഷത്തെ വിശ്വസ്ത സേവനം പൂര്‍ത്തിയാക്കുന്ന വീറോണ്‍, ഭാഗ്യശാലികളായ രണ്ട് ഉപഭോക്താക്കള്‍ക്ക് ലക്ഷദ്വീപിലേക്ക് സൗജന്യ യാത്ര നടത്താനുള്ള അവസരമാണ് ഒരുക്കിയിരിക്കുന്നത്. 2026 ഫെബ്രുവരി 15-ന് നടക്കുന്ന നറുക്കെടുപ്പിലൂടെയാകും വിജയികളെ തിരഞ്ഞെടുക്കുക.

വാര്‍ഷിക ഓഫറുകള്‍ ഒറ്റനോട്ടത്തില്‍: 15,000 രൂപയ്ക്ക് മുകളിലുള്ള ഓരോ ഡൊമസ്റ്റിക് വാട്ടര്‍ പ്യൂരിഫയര്‍ വാങ്ങലിനും 5,000 രൂപ നേരിട്ട് ഡിസ്‌കൗണ്ട് ലഭിക്കും.
സ്‌ക്രാച്ച് ആന്‍ഡ് വിന്‍: 9,000 രൂപ വരെ ക്യാഷ്ബാക്ക് ലഭിക്കാവുന്ന സ്‌ക്രാച്ച് കാര്‍ഡ് ഓഫറും ലഭ്യമാണ്. ലക്ഷദ്വീപ് ട്രിപ്പ്: ഭാഗ്യശാലികള്‍ക്ക് വിനോദസഞ്ചാര കേന്ദ്രമായ ലക്ഷദ്വീപിലേക്ക് സൗജന്യ യാത്ര.

ഉഷ്ണകാലത്തും മഴക്കാലത്തും ജലജന്യ രോഗങ്ങള്‍ വലിയ വെല്ലുവിളിയായി മാറുന്ന സാഹചര്യത്തില്‍, അത്യാധുനിക ശുദ്ധീകരണ സംവിധാനങ്ങള്‍ സാധാരണക്കാരിലേക്ക് എത്തിക്കുകയാണ് ലക്ഷ്യമെന്ന് വീറോണ്‍ വാട്ടര്‍ പ്യൂരിഫയര്‍ സി.ഇ.ഒ മുഹമ്മദ് അക്രം അറിയിച്ചു. കേരളത്തിലുടനീളമുള്ള വീറോണിന്റെ 18 ബ്രാഞ്ചുകളിലും ഈ പ്രത്യേക ഓഫറുകള്‍ ലഭ്യമാണെന്നും അദ്ദേഹം വ്യക്തമാക്കി.