നെടുമ്പാശ്ശേരി: കൊച്ചി അന്താരാഷ്ട്ര വിമാനത്താവളത്തില്‍ നവീകരിച്ച കലാങ്കണം ഉദ്ഘാടനം ചെയ്തു. സിയാല്‍ ആഭ്യന്തര ടെര്‍മിനലില്‍ ബോര്‍ഡിങ് ഗേറ്റ് 7ന്റെ പരിസരത്താണ് കേരളത്തിന്റെ സമൃദ്ധമായ കലാസാംസ്‌കാരിക പാരമ്പര്യം പ്രതിഫലിപ്പിക്കുന്ന കലാങ്കണം പണി കഴപ്പിച്ചിട്ടുള്ളത്. ക്ഷേത്ര മാതൃകയിലുള്ള നിര്‍മ്മിതിയില്‍, കഥകളി, ചാക്യാര്‍കൂത്ത്, നങ്യാര്‍കൂത്ത്, ഓട്ടന്‍തുള്ളല്‍, മോഹിനിയാട്ടം, തെയ്യം എന്നിങ്ങനെ വിവിധ കലാരൂപങ്ങളുടെ മാതൃകകളാണുള്ളത്.
സിയാല്‍ മാനേജിംഗ് ഡയറക്ടര്‍ എസ്. സുഹാസ് കലാങ്കണം ഉദ്ഘാടനം ചെയ്തു. എക്സിക്യൂട്ടീവ് ഡയറക്ടര്‍മാരായ ജയരാജന്‍ വി, സജി കെ. ജോര്‍ജ്, സി.എഫ്.ഒ സജി ഡാനിയേല്‍ എയര്‍പോര്‍ട്ട് ഡയറക്ടര്‍ മനു ജി, പദ്ധതിയുടെ കണ്‍സള്‍ട്ടന്റ് വൈക്കം പി. രാജശേഖര്‍ എന്നിവരും സിയാലിലെ വിവിധ വകുപ്പ് മേധാവികളും ചടങ്ങില്‍ പങ്കെടുത്തു.
ഉപയോഗമില്ലാതെ കിടന്നിരുന്ന ഒരു സ്ഥലത്തെ സജീവമായ കലാസമുച്ചയമാക്കി മാറ്റിയ ഈ സംരംഭം യാത്രക്കാരുടെ ശ്രദ്ധാകേന്ദ്രമായി മാറുകയാണ്. ഉദ്ഘാടനത്തിന് ശേഷം നിരവധി യാത്രക്കാരാണ് കലാങ്കണം സന്ദര്‍ശിക്കാനെത്തിയത്. ടെര്‍മിനലിലെ ഫോട്ടോ സ്‌പോട്ടായി കലാങ്കണം മാറുകയാണ്.
.jpg)
