മലപ്പുറം: ജില്ലയില്‍ ഭൂമിക്ക് അടിയില്‍ നിന്നും ഭായനകമായ ശബ്ദം കേട്ടത് സംബന്ധിച്ച് പരിശാധന നടത്താന്‍ വിദഗ്ധ സംഘം ഇന്നെത്തും. വിവിധ സ്ഥലങ്ങള്‍ സന്ദര്‍ശിച്ച് പരിശോധന നടത്തും.
ഭൂമിക്കടിയില്‍നിന്ന് ഭീകര ശബ്ദമാണ് കേട്ടതെന്ന് നാട്ടകാര്‍ പറയുന്നു. ചൊവ്വാഴ്ച രാത്രി 11.20 ഓടെയാണ് സംഭവം. ശബ്ദം കേട്ട് പലരും വീട് വിട്ട് രാത്രിയില്‍ വെളിയിലിറങ്ങിയിരുന്നു. ചില വീടുകളില്‍ അടച്ചിട്ട ജനലുകളും കുലുങ്ങിയതോടെ പരിഭ്രാന്തി കൂടുകയായിരുന്നു. ചിലര്‍ക്ക് കാലില്‍ ചെറിയ തരിപ്പ് അനുഭവപ്പെട്ടു.
വേങ്ങര, കോട്ടക്കല്‍, ഒതുക്കുങ്ങല്‍, എടരിക്കോട്, പാലച്ചിറമാട് ,പറപ്പൂര്‍, ചങ്കുവെട്ടി, കോഴിച്ചിന, ഊരകം, എന്നിവിടങ്ങളിലെല്ലാം സമാനസംഭവം ഉണ്ടായി. എവിടെയും അപകടങ്ങള്‍ സംഭവിച്ചിട്ടില്ല. ചില വീടുകള്‍ക്ക് കേടുപാടുകള്‍ സംഭവിച്ചതായും റിപ്പോര്‍ട്ടുണ്ട്. വീടുകളില്‍ സ്ഥാപിച്ച നിരീക്ഷണ കാമറകളില്‍ ശബ്ദവും വിറയലും വ്യക്തമാണ്.

2022 ഒക്ടോബര്‍ 11നും സമാനമായ ശബ്ദം മേഖലയില്‍ നിന്നും അനുഭവപ്പെട്ടിരുന്നു. ഭൂമികുലുക്കമാണെന്ന് കരുതി ജനം വീടു വിട്ടിറങ്ങിയിരുന്നു. ഇതേരീതിയിലാണ് ഇന്നലെയും സംഭവിച്ചത്. പ്രദേശവാസികള്‍ പരിഭ്രാന്തിയിലാണ്.