കൊച്ചി: എറണാകുളം ശിവക്ഷേത്രത്തിലെ ഉത്സവത്തിന് മുന്നോടിയായുള്ള കൂപ്പണ് വിതരണ ഉദ്ഘാടനത്തില്നിന്ന് നടന് ദിലീപിനെ ഒഴിവാക്കി. സമൂഹമാധ്യമങ്ങളില് അടക്കം രൂക്ഷമായ വിമര്ശനം ഉയര്ന്നതിനെ തുടര്ന്നാണ് ഈ മാറ്റം. നാളെ വൈകിട്ട് 6.30-ന് നിശ്ചയിച്ചിരുന്ന പരിപാടിയില് നിന്നാണ് ദിലീപിനെ ഒഴിവാക്കിയത്.
കൂപ്പണ് ഉദ്ഘാടനം ദിലീപ് നിര്വഹിക്കുമെന്ന തരത്തില് പോസ്റ്ററുകള് അച്ചടിച്ച് വിതരണം ചെയ്തതോടെയാണ് സംഭവം വിവാദമായത്. ഇതിനു പിന്നാലെ സമൂഹമാധ്യമങ്ങളില് വലിയ തോതിലുള്ള എതിര്പ്പുകള് ഉയര്ന്നു. സമൂഹമാധ്യമങ്ങളിലെ ശക്തമായ വിമര്ശനം കൊച്ചിന് ദേവസ്വം ബോര്ഡിലും എതിര്പ്പിന് കാരണമായി. തുടര്ന്ന്, വിഷയം പരിഹരിക്കാന് ദേവസ്വം ബോര്ഡ് ക്ഷേത്ര ഉപദേശക സമിതിക്ക് നിര്ദേശം നല്കുകയായിരുന്നു.
താന് ചടങ്ങില്നിന്ന് പിന്മാറാന് തീരുമാനിച്ചതായി ദിലീപ് തന്നെ അറിയിച്ചുവെന്ന് ക്ഷേത്ര ഉപദേശക സമിതി അധ്യക്ഷന് ബി. അശോക് കുമാര് വ്യക്തമാക്കി. വിവാദങ്ങള് ഉയര്ന്ന സാഹചര്യത്തിലാണ് താന് പങ്കെടുക്കുന്നില്ലെന്ന് ദിലീപ് അറിയിച്ചതെന്നും അദ്ദേഹം കൂട്ടിച്ചേര്ത്തു.
Related News
