ന്യൂഡല്‍ഹി: ഇന്ത്യന്‍ സിനിമയിലെ പരമോന്നത ബഹുമതിയായ ദാദാസാഹേബ് ഫാല്‍ക്കെ പുരസ്‌കാരം നേടിയതിനു പിന്നാലെ, നടന്‍ മോഹന്‍ലാലിന് ഇന്ത്യന്‍ സൈന്യത്തിന്റെ ആദരം. ടെറിട്ടോറിയല്‍ ആര്‍മിയില്‍ ഓണററി ലഫ്റ്റനന്റ് കേണല്‍ പദവി വഹിക്കുന്ന മോഹന്‍ലാലിന്, കരസേനാ മേധാവി ജനറല്‍ ഉപേന്ദ്ര ദ്വിവേദി ഇഛഅട ഇീാാലിറമശേീി ഇമൃറ (കരസേനാ മേധാവിയുടെ അഭിനന്ദന പത്രം) സമ്മാനിച്ചു.
ന്യൂഡല്‍ഹിയിലെ ആര്‍മി ഹെഡ്ക്വാര്‍ട്ടേഴ്സില്‍ വെച്ചായിരുന്നു ചടങ്ങ്. ഏഴ് ആര്‍മി കമാന്‍ഡര്‍മാരുടെ സാന്നിധ്യത്തില്‍ നടന്ന ചടങ്ങില്‍, മോഹന്‍ലാലിന്റെ സേവന മനോഭാവം, ജീവകാരുണ്യ പ്രവര്‍ത്തനങ്ങള്‍, സൈനിക യൂണിഫോമിനോടുള്ള അചഞ്ചലമായ ആദരവ് എന്നിവയെ സൈന്യം പ്രത്യേകമായി പ്രശംസിച്ചു.
അഭിമാന നിമിഷമെന്ന് മോഹന്‍ലാല്‍
സൈന്യത്തില്‍ നിന്ന് ലഭിച്ച ആദരം അളവില്ലാത്ത അഭിമാനവും നന്ദിയുമുള്ള നിമിഷമാണെന്ന് മോഹന്‍ലാല്‍ പ്രതികരിച്ചു. 'ഇത് ഒരു വലിയ അംഗീകാരമാണ്. 16 വര്‍ഷമായി ഞാന്‍ ഈ കൂട്ടായ്മയുടെ ഭാഗമാണ്. ദാദാസാഹേബ് ഫാല്‍ക്കെ പുരസ്‌കാര നേട്ടവും ഈ ആദരവിന് ഒരു കാരണമായി,' അദ്ദേഹം മാധ്യമങ്ങളോട് പറഞ്ഞു.
ടെറിട്ടോറിയല്‍ ആര്‍മി ബറ്റാലിയന്റെ കാര്യക്ഷമത വര്‍ദ്ധിപ്പിക്കുന്നതുമായി ബന്ധപ്പെട്ട കാര്യങ്ങളും രാജ്യത്തിന് വേണ്ടി ചെയ്യാന്‍ സാധിക്കുന്ന പദ്ധതികളും കരസേനാ മേധാവിയുമായി ചര്‍ച്ച ചെയ്തതായി മോഹന്‍ലാല്‍ വ്യക്തമാക്കി. 2009-ലാണ് മോഹന്‍ലാലിന് ഓണററി ലഫ്റ്റനന്റ് കേണല്‍ പദവി ലഭിച്ചത്. 'വിശ്വശാന്തി ഫൗണ്ടേഷന്‍' ഉള്‍പ്പെടെയുള്ള ജീവകാരുണ്യ പ്രവര്‍ത്തനങ്ങളിലൂടെയും സൈനികര്‍ക്ക് വേണ്ടിയുള്ള പ്രചാരണങ്ങളിലൂടെയും മോഹന്‍ലാല്‍ സേനയുമായി ശക്തമായ ബന്ധം നിലനിര്‍ത്തുന്നുണ്ട്.
.jpg)
Related News
