ഡാര്ജിലിങ്: പശ്ചിമ ബംഗാളിലെ ഡാര്ജിലിംഗ്, കലിംപോംഗ് ജില്ലകളില് ശനിയാഴ്ച രാത്രിയുണ്ടായ കനത്ത മഴയെത്തുടര്ന്നുണ്ടായ ഒന്നിലധികം മണ്ണിടിച്ചിലുകളില് കുറഞ്ഞത് 14 പേര് മരിച്ചു.
കനത്ത കാലാവസ്ഥയും വ്യാപകമായ നാശനഷ്ടങ്ങളും കാരണം രക്ഷാപ്രവര്ത്തനങ്ങള് കാര്യമായ വെല്ലുവിളികള് നേരിടുന്നുണ്ട്. ഇത് മരണസംഖ്യ വര്ദ്ധിക്കാന് സാധ്യതയുണ്ടെന്ന ആശങ്ക ഉയര്ത്തുന്നു. കലിംപോങ്ങിലെ തീസ്ത ബസാര് പരിസരത്തെ ഇരുമ്പ് പാലം തകരുകയും തീസ്ത നദിയിലെ ജലനിരപ്പ് ഉയരുകയും ചെയ്തതോടെ അയല് സംസ്ഥാനമായ സിക്കിമിലേക്കുള്ള ഗതാഗത മാര്ഗ്ഗങ്ങള് നിലച്ചു. ഇതോടെ ആശയവിനിമയ ബന്ധങ്ങളും വിച്ഛേദിക്കപ്പെട്ടു.
മരണങ്ങളില് പ്രധാനമന്ത്രി അനുശോചനം രേഖപ്പെടുത്തി. ''ഡാര്ജിലിംഗിലുണ്ടായ പാലം തകര്ച്ചയും അപകടങ്ങളും കാരണം ജീവന് നഷ്ടപ്പെട്ടതില് അഗാധമായ ദുഃഖമുണ്ട്. പ്രിയപ്പെട്ടവരെ നഷ്ടപ്പെട്ടവര്ക്ക് എന്റെ അനുശോചനം. പരിക്കേറ്റവര് എത്രയും പെട്ടെന്ന് സുഖം പ്രാപിക്കട്ടെ. കനത്ത മഴയും മണ്ണിടിച്ചിലുമുണ്ടായ സാഹചര്യത്തില് ഡാര്ജിലിംഗിലെയും പരിസര പ്രദേശങ്ങളിലെയും സ്ഥിതിഗതികള് സൂക്ഷ്മമായി നിരീക്ഷിച്ചു വരികയാണ്. ദുരിതബാധിതര്ക്ക് സാധ്യമായ എല്ലാ സഹായവും നല്കാന് ഞങ്ങള് പ്രതിജ്ഞാബദ്ധരാണ്.' പ്രധാനമന്ത്രി പറഞ്ഞു.
Related News
