കൊച്ചി: കേരള മീഡിയ അക്കാദമി 2021-22 ലെ ഫെല്ലോഷിപ്പ് ജേതാവ് ഡോ വി ശ്രീകുമാറിന്റെ പുസ്തകമായ ഫാം ജേണലിസം ഇന്നലെ ഇന്ന് നാളെ എന്ന ഗ്രന്ഥം സംസ്ഥാന കൃഷി കര്‍ഷക ക്ഷേമ മന്ത്രി പി പ്രസാദ് പ്രകാശനം ചെയ്തു. കൃഷി വകുപ്പ് ഡയറക്റ്ററും വിജ്ഞാന വ്യാപനരംഗത്തെ അതികായനുമായിരുന്ന ആര്‍ ഹേലിയുടെ പുത്രനും സംസ്ഥാന ചീഫ് ഠൗണ്‍ പ്‌ളാനറുമായിരുന്ന പ്രശാന്ത് ഹേലി പുസ്തകം ഏറ്റുവാങ്ങി

കര്‍ഷക ഭാരതി 2024 ലെ പുരസ്‌കാര ജേതാവ് മുരളീധരന്‍ തഴക്കര 480 പേജുള്ള പുസ്തകത്തെ 10 മിനിറ്റിനുള്ളില്‍ പരിചയപ്പെടുത്തി. അക്കാദമി സെക്രട്ടറി എസ് എസ് അരുണ്‍ സ്വാഗതം ആശംസിച്ചു. മീഡിയ അക്കാദമി ചെയര്‍മാന്‍ ആര്‍ എസ് ബാബു അധ്യക്ഷത വഹിച്ച ചടങ്ങില്‍ കര്‍ഷക മിത്രം പുരസ്‌കാര ജേതാവ്
റ്റി എസ് വിശ്വന്‍, കര്‍ഷക തിലകം 2024 അവാര്‍ഡ് ജേതാവ് പ്രകൃതി വാണി എന്നിവര്‍ ആശംസകള്‍ നേര്‍ന്നു. 500 രൂപ വിലയുള്ള പുസ്തകം കേരള മീഡിയ അക്കാദമി കാക്കനാട് 682030 വിലാസത്തില്‍ ലഭിക്കും.