റോം: അലിക്ക് ഇറ്റലി എന്ന സംഘടനയുടെ ആഭിമുഖ്യത്തില് വൈവിധ്യമാര്ന്ന പരിപാടികളോടെ ഓണാഘോഷം സംഘടിപ്പിച്ചു. ആഘോഷത്തില് പങ്കെടുക്കാനെത്തിയ വത്തിക്കാനില് നിന്നുള്ള കേരളത്തിന്റെ മലയാളി കര്ദിനാള് ജോര്ജ് കൂവക്കാട്, ഇന്ത്യന് എംബസി ഡിസിഎം ഗൗരവ് ഗാന്ധി, പാസ്പോര്ട്ട് ഓഫീസര് രാഹുല് ശര്മ, പ്രഥമ പ്രസിഡണ്ട് ഗര്വാസീസ്. ജെ.മുളക്കര, പ്രസിഡണ്ട് ഷൈന് റോബര്ട്ട് ലോപ്പസ്, സെക്രട്ടറി തോമസ് ഇരുമ്പന്, ക്നാനായ മലങ്കര വികാരി മോണ്. കുറിയാക്കോസ് ചെറുപുഴ, ഫാ. ജിന്റോ പടയാട്ടി എന്നീ വിശിഷ്ടാതിഥികളെ താലപ്പൊലിയോടും ചെണ്ടമേള അകമ്പടിയോടും കൂടി സമ്മേളന പന്തലിലേക്ക് ആനയിച്ചു.
സമ്മേളനത്തിന്റെ ഉദ്ഘാടന ശേഷം മാവേലി ആശംസകള് അര്പ്പിച്ചു. തുടര്ന്ന് നിരവധി കലാപരിപാടികളും രുചികരമായ ഓണസദ്യയും നടന്നു. ആയിരം പേരോളം പങ്കെടുത്ത ഓണാഘോഷം റോമില് മലയാൡകൂട്ടായ്മയുടെ ശക്തി തെളിയിക്കുന്നതുകൂടിയായി.
സംഘടനയുടെ എക്സിക്യൂട്ടീവ് കമ്മറ്റി ഭാരവാഹികളായ രാജു കള്ളിക്കാടന്, ജിന്സന് പാലാട്ടി, അനില , സിറിയക്ക് ജോസ്, ജെജി മാന്നാര്, സുനില്കുമാര് കൊളത്തുപ്പിള്ളി, ജിന്റോ കുര്യാക്കോസ്, ഓഡിറ്റര്മാരായ ജോസ്മോന് കമ്മട്ടില്, ഹാമില്ടണ് ജോസഫ് എന്നിവര് പരിപാടികള്ക്ക് നേതൃത്വം വഹിച്ചു.
