ന്യൂഡല്ഹി: 2023-ലെ തിരഞ്ഞെടുപ്പില് കര്ണാടകയിലെ കലബുറഗിയിലുള്ള ആലംഗ് നിയമസഭാ മണ്ഡലത്തില് നിന്ന് 6,000-ത്തിലധികം വോട്ടര്മാരുടെ പേരുകള് നീക്കം ചെയ്യാന് കേന്ദ്രീകൃതവും സംഘടിതവുമായ ശ്രമം നടന്നുവെന്ന് ലോക്സഭാ പ്രതിപക്ഷ നേതാവ് രാഹുല് ഗാന്ധി ആരോപിച്ചു. കോണ്ഗ്രസിന്റെ ശക്തികേന്ദ്രങ്ങളില് വോട്ടര്മാരെ ഒഴിവാക്കാന് ശ്രമം നടന്നുവെന്ന് അദ്ദേഹം പറഞ്ഞു.
ഡല്ഹിയിലെ കോണ്ഗ്രസ് ആസ്ഥാനത്ത് നടത്തിയ വാര്ത്താസമ്മേളനത്തില്, വോട്ടര്മാരെ സ്വാധീനിക്കാന് ശ്രമം നടന്നുവെന്നതിന് തന്റെ പക്കല് 'പൂര്ണ്ണമായ തെളിവ്' ഉണ്ടെന്നും രാഹുല് ഗാന്ധി വ്യക്തമാക്കി. 'സോഫ്റ്റ്വെയര് ഉപയോഗിച്ച് വോട്ടര്മാരുടെ പേരുകള് കൂട്ടത്തോടെ നീക്കം ചെയ്യാന് ശ്രമം നടക്കുന്നു,' അദ്ദേഹം ആരോപിച്ചു.
തിരഞ്ഞെടുപ്പ് അട്ടിമറിക്കാന് ഏകോപിപ്പിച്ച ശ്രമങ്ങള് നടത്തിയവരെ ചീഫ് ഇലക്ഷന് കമ്മീഷണര് ഗ്യാനേഷ് കുമാര് സംരക്ഷിക്കുകയാണെന്നും, കര്ണാടകയിലെ ക്രിമിനല് ഇന്വെസ്റ്റിഗേഷന് ഡിപ്പാര്ട്ട്മെന്റിന്റെ (സിഐഡി) അന്വേഷണത്തോട് അദ്ദേഹം സഹകരിക്കുന്നില്ലെന്നും രാഹുല് ഗാന്ധി കുറ്റപ്പെടുത്തി.
Related News
