റിയാദ്: സൗദി അറേബ്യയിലെ ഭക്ഷ്യ-പാനീയ (F&B) മേഖലയില്‍ ഒന്‍പത് വര്‍ഷത്തെ തന്ത്രപരമായ നേതൃത്വത്തിന് ശേഷം, Dunkin, Wendys International ,Half Millions തുടങ്ങിയ പ്രമുഖ ബ്രാന്‍ഡുകളെ നയിച്ച Manaz AlBukhari, DTM, സൗദിയോട് വിടപറയുന്നു.. ഇന്ത്യന്‍ എംബസിയുടെയും സൗദി അറേബ്യയിലെ വിദ്യാഭ്യാസ മന്ത്രാലയത്തിന്റെയും നിയോഗപ്രകാരം റിയാദിലെ ഇന്റര്‍നാഷണല്‍ ഇന്ത്യന്‍ സ്‌കൂളിന്റെ മാനേജ്‌മെന്റ് കമ്മിറ്റി അംഗമായി സേവനമനുഷ്ഠിച്ച അദ്ദേഹം, സമൂഹത്തിന് നല്‍കിയ സംഭാവനകള്‍ അവിസ്മരണീയമാണ്. Toastmasters International ന്റെ ഏറ്റവും ഉയര്‍ന്ന ബഹുമതിയായ Distinguished Toastmaster (DTM) അവാര്‍ഡ്, ഭാവി നേതാക്കളെയും യുവ നേതാക്കളെയും വളര്‍ത്തിയെടുക്കുന്നതിനുള്ള അദ്ദേഹത്തിന്റെ അശ്രാന്ത പരിശ്രമങ്ങള്‍ക്കുള്ള അംഗീകാരമാണ്.

സ്വിറ്റ്‌സര്‍ലന്‍ഡിലെ Swiss Business School ല്‍ നിന്ന് International Business ല്‍ MBA പൂര്‍ത്തിയാക്കിയ മനാസ്, നിലവില്‍ ഇന്ത്യയിലെ Sri Venkiteshwara University യില്‍ Management ല്‍ Ph.D ഗവേഷണം നടത്തിവരികയാണ്. റിയാദിലെ ഇന്ത്യന്‍ പ്രവാസി സമൂഹത്തിന് അദ്ദേഹം നല്‍കിയ സംഭാവനകള്‍ അതുല്യമാണ്. അമ്മമാരും കുട്ടികളും ഒരുമിച്ച് പങ്കെടുക്കുന്ന 'Mom & Me' എന്ന അതുല്യമായ പെയിന്റിംഗ് മത്സരം, വിവിധ ക്വിസ് മത്സരങ്ങള്‍, ബാഡ്മിന്റണ്‍ ടൂര്‍ണമെന്റുകള്‍, യുവാക്കള്‍ക്കായുള്ള Gavel Club തുടങ്ങി നിരവധി പരിപാടികള്‍ക്ക് അദ്ദേഹം നേതൃത്വം നല്‍കി. ഒരു മികവുറ്റ വാഗ്മിയായ മനാസ്, കഴിഞ്ഞ മാസം ഇന്ത്യയില്‍ പ്രസിദ്ധീകരിച്ച തന്റെ ആദ്യ പുസ്തകമായ 'The Recognition Factor' എന്ന കൃതിയിലൂടെ എഴുത്തിന്റെ ലോകത്തേക്കും ചുവടുവെച്ചിരിക്കുകയാണ്.

മനാസിന്റെ വിജയത്തിന് പിന്നിലെ ശക്തി തന്റെ കുടുംബമാണെന്ന് അദ്ദേഹം വിശ്വസിക്കുന്നു. റിയാദിലെ Al Awael School ലെ American Diploma Section ല്‍ Vice principal ആയി സേവനമനുഷ്ഠിച്ചിരുന്ന Noufia ആണ് അദ്ദേഹത്തിന്റെ ഭാര്യ. സിവില്‍ എന്‍ജിനീയറായ നൗഫിയ, കേരള എന്‍ജിനീയേഴ്‌സ് ഫോറത്തിന്റെ പരിപാടികളില്‍ സജീവസാന്നിധ്യമായിരന്നു. മനാസിന്റെ മക്കളായ അലാദ്ദിനും ആയിഷയും ഇന്റര്‍നാഷണല്‍ ഇന്ത്യന്‍ സ്‌കൂളിലെ വിദ്യാര്‍ത്ഥികളാണ്. മകന്‍ അലാദ്ദിന്‍ ഒരു ബാഡ്മിന്റണ്‍ പ്രേമിയാണ്, CBSE ദേശീയ ഗെയിംസില്‍ വെങ്കല മെഡല്‍ ഉള്‍പ്പെടെ നിരവധി ടൂര്‍ണമെന്റുകളില്‍ വിജയം നേടിയിട്ടുണ്ട്.

മനാസിന്റെ മാതാപിതാക്കളായ അബ്ദുന്‍ നസീറും മറിയം ബീവിയും ഈ പ്രതിഭാധനരായ കുടുംബത്തെക്കുറിച്ച് അഭിമാനിക്കുന്നു. 19-ലധികം ഓണ്‍ലൈന്‍ സ്പീച്ച് ഇംപ്രൂവ്‌മെന്റ് ക്ലബുകള്‍ നയിക്കുന്ന ലവ് ദ ഖുര്‍ആന്‍ മാസ്റ്റേഴ്‌സ് ക്ലബിന്റെ ചെയര്‍മാനാണ് അബ്ദുന്‍ നസീര്‍. താജ് ടോസ്റ്റ്മാസ്റ്റേഴ്‌സും മറ്റ് സമൂഹങ്ങളും മനാസിനെയും കുടുംബത്തെയും ഹൃദയപൂര്‍വം യാത്രയാക്കി. ബഹുരാഷ്ട്ര കമ്പനിയായ വെന്‍ഡീസ് ഇന്റര്‍നാഷണലിന്റെ ഏഷ്യാ പസഫിക് മേഖലയിലെ ഫ്രാഞ്ചൈസി ഓപ്പറേഷന്‍സ് മാനേജരായി ചുമതലയേല്‍ക്കുന്നതിനാണ് മനാസ് ഇന്ത്യയിലേക്ക് മടങ്ങുന്നത്.