റോം: റോമില്‍ 35 വര്‍ഷമായി പ്രവര്‍ത്തിച്ചുകൊണ്ടിരിക്കുന്ന മലയാളികളുടെ സംഘടനയായ അലിക്ക് ഇറ്റലി ഓണം ആഘോഷിക്കുന്നു. ഏകദേശം 1500 ഓളം അംഗങ്ങളുള്ള സംഘടന മലയാളികളുടെ പ്രശ്‌നങ്ങളില്‍ ഇടപെടുകയും കാരുണ്യ പ്രവര്‍ത്തനത്തിന് മുന്‍തൂക്കം കൊടുക്കുകയും ചെയ്തുവരികയാണ്.
14ന് രാവിലെ 11 30 ന് നടക്കുന്ന ഓണാഘോഷത്തില്‍ വത്തിക്കാനില്‍ നിന്നുള്ള മലയാളിയായ അഭിവന്ദ്യ കര്‍ദിനാള്‍ ജോര്‍ജ് കൂവക്കാട്, ഇന്ത്യന്‍ എംബസി ഡിസിഎം ഗൗരവ് ഗാന്ധി എന്നിവര്‍ മുഖ്യാതിഥികളായി പങ്കെടുക്കും. ആഘോഷങ്ങള്‍ക്കായുള്ള എല്ലാ ഒരുക്കങ്ങളും പൂര്‍ത്തിയായതായി പ്രസിഡന്റ് ഷായിന്‍ റോബര്‍ട്ട് അറിയിച്ചു.