റിയാദ്: ഖത്തര്‍ എയര്‍വേസിന്റെ ദോഹ റെഡ്‌സീ ഇന്റര്‍നാഷണല്‍ വിമനത്താവളം നേരിട്ടുള്ള സര്‍വീസ് ഒക്ടോബര്‍ 21 ന് ആരംഭിക്കും. സൗദിയിലെ തബൂക്കിനടുത്ത് നിയോം പദ്ധതി പ്രദേശമായ റെഡ്‌സീ വിമാനത്താവളത്തിലേക്ക് ലോകത്തെമ്പാടുമുള്ള വിനോദ സഞ്ചാരികളെ ലഭ്യമിട്ടാണ് ഖത്തര്‍ എയര്‍വേസ് ദോഹ ഹമദ് ഇന്റര്‍നാഷണല്‍ വിമാനത്താവളത്തില്‍നിന്നും നേരിട്ടുള്ള സര്‍വീസ് ആരംഭിക്കുന്നത്. ലോകമെമ്പാടുമുള്ള 90 രാജ്യങ്ങളില്‍ നിന്നുള്ളവര്‍ക്ക് പ്രയോജനകരമാവും ഈ സര്‍വീസ്.
ആഴ്ചയില്‍ മൂന്ന് സര്‍വിസുകളാവും നടത്തുക. ഖത്തര്‍ എയര്‍വേസുമായുള്ള ഈ പങ്കാളിത്തം ആഡംബരത്തിനും സുസ്ഥിരതക്കുമുള്ള ഒരു ആഗോള കേന്ദ്രമായി റെഡ് സീയെ മാറ്റുന്നതില്‍ ഒരു നിര്‍ണായക ചുവടുവപ്പായിരിക്കുമെന്ന് ദി റെഡ് സീ ഇന്റര്‍നാഷനല്‍ സി.ഇ.ഒ ജോണ്‍ പഗാനോ അഭിപ്രായപ്പെട്ടു. കൂടുതല്‍ ഹോട്ടലുകള്‍, റിസോര്‍ട്ടുകള്‍, മറ്റു സൗകര്യങ്ങള്‍ എന്നിവ സംവിധാനിക്കുന്നതോടെ റെഡ് സീയിലേക്കുള്ള യാത്രകള്‍ ലോകത്തെ നമ്മുടെ പ്രകൃതിദത്തവും സാംസ്‌കാരികവുമായ നിധികളുമായി ബന്ധിപ്പിക്കുന്ന ഒരു പാലമായും, അതിഥികള്‍ക്ക് ആഡംബരത്തിന്റെയും സുസ്ഥിര ടൂറിസത്തിന്റെയും അതുല്യമായ മാതൃകയിലേക്ക് പരിചയപ്പെടുത്താനുള്ള അവസരമായി വര്‍ത്തിക്കുമെന്നും അദ്ദേഹം അഭിപ്രായപ്പെട്ടു.
.jpg)
Related News
