മുംബൈ: ഗണേശ ചതുര്‍ത്ഥി ആഘോഷങ്ങളുടെ ഭാഗമായി നടി ഐശ്വര്യ റായ് ബച്ചനും മകള്‍ ആരാധ്യ ബച്ചനും മുംബൈയിലെ ജി.എസ്.ബി (ഗൗഡ് സരസ്വത് ബ്രാഹ്‌മിന്‍) ഗണേശോത്സവ പന്തല്‍ സന്ദര്‍ശിച്ചു. എല്ലാ വര്‍ഷവും മുടങ്ങാതെ ഐശ്വര്യ ഈ ആഘോഷങ്ങളില്‍ പങ്കെടുക്കാറുണ്ട്. ഇത്തവണയും പതിവ് തെറ്റിക്കാതെയാണ് താരമാതാവും മകളും ദര്‍ശനത്തിനെത്തിയത്. ഇവരുടെ ചിത്രങ്ങളും വീഡിയോകളും സമൂഹ മാധ്യമങ്ങളില്‍ വൈറലായിരിക്കുകയാണ്.
ഗണപതിയുടെ അനുഗ്രഹം തേടിയെത്തിയ ഇരുവരും ആരാധകര്‍ക്ക് നേരെ സൗഹൃദത്തോടെ പുഞ്ചിരിക്കുകയും സെല്‍ഫികള്‍ എടുക്കാന്‍ സമയം കണ്ടെത്തുകയും ചെയ്തു. തുടര്‍ന്ന്, വലിയ ജനക്കൂട്ടത്തിനിടയിലൂടെയാണ് ഇവര്‍ പന്തലിലേക്ക് കടന്നുപോയത്.
വെള്ള നിറത്തിലുള്ള വസ്ത്രം ധരിച്ചാണ് ഐശ്വര്യ എത്തിയത്. ചുവപ്പ് ലിപ്സ്റ്റിക്കും നെറ്റിയിലെ പൊട്ടും അവരുടെ ഭംഗി വര്‍ദ്ധിപ്പിച്ചു. ആരാധ്യയാകട്ടെ, മഞ്ഞ നിറത്തിലുള്ള കുര്‍ത്ത സെറ്റില്‍ ശ്രദ്ധേയയായി. ഇരുവരും ഒരുമിച്ച് പ്രാര്‍ത്ഥനകള്‍ അര്‍പ്പിക്കുന്ന ചിത്രങ്ങളും പുറത്തുവന്നിട്ടുണ്ട്.
ഐശ്വര്യയും ആരാധ്യയും തമ്മിലുള്ള രൂപസാദൃശ്യം പലപ്പോഴും ചര്‍ച്ചയാകാറുണ്ട്. ഈ സന്ദര്‍ശനത്തിലെ ചിത്രങ്ങളിലും ആരാധ്യയുടെ വളര്‍ച്ചയും ഐശ്വര്യയുമായുള്ള സാദൃശ്യവും വ്യക്തമാണ്. മുന്‍ വര്‍ഷങ്ങളില്‍ ഐശ്വര്യയുടെ അമ്മ ബ്രിന്ദാ റായിയും ഇവരോടൊപ്പം ദര്‍ശനത്തിന് എത്തിയിരുന്നു. എന്നാല്‍ ഇത്തവണ ആരാധ്യ മാത്രമാണ് ഐശ്വര്യയോടൊപ്പം ഉണ്ടായിരുന്നത്. ഭര്‍ത്താവ് അഭിഷേക് ബച്ചന്‍ ഇത്തവണയും ഗണപതി ആഘോഷങ്ങളില്‍ നിന്ന് വിട്ടുനിന്നു.
.jpg)
