ജിദ്ദ: ഈ വര്ഷത്തെ ഓണത്തെ വരവേല്ക്കാന് സൗദി അറേബ്യയിലെ ജിദ്ദയില് നിന്നുമുള്ള ഒരുകൂട്ടം കലാകാരന്മാര് അണിയിച്ചൊരുക്കിയ ആവണി പുലരിയെന്ന രണ്ടു ഗാനങ്ങള് അടങ്ങിയ ആല്ബം പൈന്ആപ്പിള് മീഡിയയില്കൂടി റിലീസ് ചെയ്തു. മനോഹരങ്ങളായ ഇതിലെ ഗാനങ്ങള് ഓണത്തിന്റെ ആത്മാവിനെ തൊട്ടറിയുന്നതാണ്. പ്രവാസലോകത്തെ വിരഹജീവിതത്തില് ഓണവും അതിന്റെ ആഘോഷങ്ങളും ഒരാളുടെ ഓര്മയില് കടന്നു വരുന്നതും അതിലൂടെ തന്റെ പഴയകാല പ്രണയാനുഭവം മനസ്സില് തെളിയുന്നതുമായ ഒരു ഗാനത്തോടൊപ്പം ഓണകാലത്തെ നാടിനെയും പ്രകൃതിയെയും ഓണാനുഭൂതിയെയും വരച്ചു കാട്ടുന്ന മറ്റൊരു ഗാനവും കൂടി ഇതില് ഉള്പ്പെടുത്തിയിരിക്കുന്നു.
ഓണപ്പാട്ടുകള്ക്ക് തനിമയും പരമ്പരാഗത ഭംഗിയും നഷ്ടമായിക്കൊണ്ടിരിക്കുന്ന ഈ കാലഘട്ടത്തില് അര്ത്ഥവത്തായ വരികളും ചാരുതയാര്ന്ന സംഗീത സംവിധാനവും കൊണ്ട് ഇരു ഗാനങ്ങളും ഇപ്പോള് തന്നെ പ്രേക്ഷകശ്രദ്ധ പിടിച്ചു പറ്റിയിരിക്കുകയാണ്. ഗാനങ്ങള് എല്ലാം കേരളത്തിന്റെ തനതായ ഗ്രാമഭംഗിയില് ചിത്രീകരിച്ചിരിക്കുന്നതാണ്. ജോബി തേരകത്തിനാല് ബേബി, അനില് ജോണ് സാം എന്നിവരുടെ വരികള്ക്ക്, അനില് ജോണ് സാം സംഗീതം നിര്വഹിച്ചിരിക്കുന്നു. കെ ജെ ലോയിട് ഓര്ക്കസ്ട്ര ആന്റ് മിക്സിംഗ് നിര്വഹിച്ചിരിക്കുന്നു. ഗാനങ്ങള് ആലപിച്ചിരിക്കുന്നത് അനില് കെ സാം, ലിന്സി ബിബിന് എന്നിവരാണ്. ഇതില് അഭിനയിച്ചിരിക്കുന്നവര് എല്ലാവരും പ്രവാസ ലോകത്തുനിന്നുള്ളവരാണ്. പൂര്ണ്ണമായും ഒരു പ്രവാസസൗഹൃദ കൂട്ടായ്മയില് പിറന്നിരിക്കുന്ന ഈ ആല്ബം പ്രവാസലോകത്ത് ഒരു തരംഗമായി മാറുകയാണ്.
Related News
