വാഷിങ്ടന്‍: തടി കൂടിയവരും അമിത ഭാരക്കാരുമായ യാത്രക്കാര്‍ വിമാന യാത്ര നടത്തണമെങ്കില്‍ ഇരട്ടി ടിക്കറ്റ് നിരക്ക് നല്‍കേണ്ടി വരുന്ന കാലം വിദൂരമല്ല. അടുത്ത വര്‍ഷം മുതല്‍ പല വിമാന കമ്പനികളും കൂടുതല്‍ ചാര്‍ജ് ഈടാക്കാനുള്ള തീരുമാനത്തിലാണ്. യാത്രാവിമാനങ്ങളില്‍ അമിതഭാരമുള്ള യാത്രക്കാര്‍ അധിക സീറ്റിന് പണം നല്‍കേണ്ടിവരുമെന്ന പ്രഖ്യാപനവുമായി ഇപ്പോള്‍ രംഗത്തു വന്നിട്ടുള്ളത് അമേരിക്കയിലെ സൗത്തവെസ്റ്റ് എയര്‍ലൈന്‍സാണ്. വിമാനത്തിലെ സീറ്റിന്റെ കൈത്താങ്ങുകള്‍ക്കിടയില്‍ ഒതുങ്ങിയിരിക്കാന്‍ കഴിയാത്തവര്‍ക്കാണ് ഈ പുതിയ നിയമം ബാധകമാവുക.
2026 ജനുവരി 27 മുതല്‍ ഈ നിയമം പ്രാബല്യത്തില്‍ വരുത്താനാണ് എയര്‍ലൈന്‍സിന്റെ നീക്കം. അധിക സീറ്റിന് മുന്‍കൂറായി പണം നല്‍കേണ്ടിവരും. വിമാനം പുറപ്പെടുമ്പോള്‍ കുറഞ്ഞത് ഒരു സീറ്റെങ്കിലും ഒഴിഞ്ഞുകിടക്കുന്നുണ്ടെങ്കില്‍ അധികമായ നല്‍കിയ പണം തിരിച്ചു ലഭിച്ചേക്കുമെന്ന് സൗത്ത്വെസ്റ്റ് എയര്‍ലൈന്‍സ് അറിയിച്ചു. അമേരിക്കയിലെ മറ്റ് ചില എയര്‍ലൈനുകളായ ഫ്രോണ്ടിയര്‍ എയര്‍ലൈന്‍സ്, സ്പിരിറ്റ് എയര്‍ലൈന്‍സ് എന്നിവര്‍ക്കും സമാനമായ നയങ്ങളുണ്ടെങ്കിലും സൗത്ത് വ്വെസ്റ്റ് എയര്‍ലൈന്‍സ് ഈ പുതിയ നയം കൂടുതല്‍ കര്‍ശനമാക്കാനാണ് തീരുമാനിച്ചിരിക്കുന്നത്.
അമേരിക്കന്‍ ഐക്യനാടുകളിലെ ജനസംഖ്യയില്‍ 74 ശതമാനം ആളുകളും അമിതഭാരമുള്ളവരോ, അല്ലെങ്കില്‍ പൊണ്ണത്തടിയുള്ളവരോ ആണെന്ന് വിവിധ പഠനങ്ങള്‍ ചൂണ്ടിക്കാട്ടുന്നു. ഇതില്‍ 43 ശതമാനം ആളുകളും അമിതവണ്ണമുള്ളവരാണെന്നാണ് സെന്റേഴ്‌സ് ഫോര്‍ ഡിസീസ് കണ്‍ട്രോള്‍ ആന്‍ഡ് പ്രിവന്‍ഷന്‍ വ്യക്തമാക്കുന്നത്. വിമാനക്കമ്പനികള്‍ ഇത്തരം നയങ്ങള്‍ രൂപീകരിക്കുന്നതിനുള്ള പ്രധാന കാരണങ്ങളിലൊന്നായി ഈ കണക്കുകള്‍ ചൂണ്ടിക്കാണിക്കപ്പെടുന്നു. ഗള്‍ഫിലെ ചില രാജ്യങ്ങൡും അമിത വണ്ണക്കാരുടെ എണ്ണം കൂടുന്നുണ്ട്. താമസിയാതെ ഗള്‍ഫ് വിമാന കമ്പനികളും ഈ നയം നടപ്പാക്കിയേക്കും. വരുമാനം കൂട്ടുകയെന്ന നയം എല്ലാ എയര്‍ലൈനുകള്‍ക്കും ഉള്ളതിനാല്‍ മറ്റു എയര്‍ലൈനുകളും താമസിയാതെ ഈ പാത പിന്തുരാന്‍ സാധ്യതയേറെയാണ്.
.jpg)
Related News
