ജിദ്ദ - സൗദി അറേബ്യ ഉള്‍പ്പെടെയുള്ള അറബ് രാജ്യങ്ങളില്‍ കഠിനമായ വേനല്‍ക്കാലം അവസാനിക്കുന്നതിന്റെ സൂചനയായി കണക്കാക്കപ്പെടുന്ന സുഹൈല്‍ നക്ഷത്രം അടുത്ത ഞായറാഴ്ച ദൃശ്യമാകുമെന്ന് കാലാവസ്ഥാ ഗവേഷകനും ക്ലൈമറ്റ് നോമണ്‍ക്ലേച്ചര്‍ കമ്മിറ്റി അംഗവുമായ അബ്ദുല്‍ അസീസ് അല്‍-ഹുസൈനി അറിയിച്ചു.
സിറിയസിന് ശേഷം ആകാശത്ത് ഏറ്റവും തിളക്കമുള്ള രണ്ടാമത്തെ നക്ഷത്രമാണ് സുഹൈല്‍. ഈ നക്ഷത്രത്തിന്റെ ഉദയം കഠിനമായ ചൂടില്‍നിന്ന് കാലാവസ്ഥാ മാറ്റം സംഭവിക്കുന്നതിന്റെ സൂചനയാണെന്ന് അല്‍-ഹുസൈനി വിശദീകരിച്ചു.
സുഹൈല്‍ നക്ഷത്രത്തെ നാല് ഘട്ടങ്ങളായി തിരിച്ചിട്ടുണ്ട്. ഇതില്‍ ആദ്യത്തേത് വേനല്‍ക്കാലത്തിന്റെ അവസാനത്തെ സൂചിപ്പിക്കുന്നു. തുടര്‍ന്നുള്ള ഘട്ടങ്ങളില്‍ മഴക്കാലത്തേക്കും ശരത്കാലത്തിലേക്കും കാലാവസ്ഥ ക്രമേണ മാറാന്‍ തുടങ്ങുന്നു. കൃഷി, കന്നുകാലി വളര്‍ത്തല്‍, മരുഭൂമിയിലൂടെയുള്ള യാത്ര എന്നിവക്ക് ഈ നക്ഷത്രത്തിന്റെ ഉദയം അറബികള്‍ക്ക് വളരെ പ്രധാനപ്പെട്ട ഒന്നായിരുന്നു. കൃത്യമായ സമയവും കാലാവസ്ഥാ വ്യതിയാനങ്ങളും നിര്‍ണ്ണയിക്കുന്നതില്‍ സുഹൈല്‍ നക്ഷത്രം ഒരു പ്രധാന പങ്ക് വഹിക്കുന്നു.
Related News
