റിയാദ്: രാജ്യത്തെ പ്രമുഖ ധനകാര്യ സ്ഥാപനങ്ങളില്‍ ഒന്നായ അറബ് നാഷണല്‍ ബാങ്കിന്റെ റിവാര്‍ഡ്‌സ് പ്രോഗ്രാം ഷോപ്പിംഗ് ആനുകൂല്യങ്ങള്‍ ഇനി ലുലു ഉപഭോക്താക്കള്‍ക്കും നേടാം. എഎന്‍ബി റിവാര്‍ഡ്‌സ് പ്രോഗ്രാമിലെ പങ്കാളിത്തം വിപുലീകരിക്കുന്നതിന്റെ ഭാഗമായി, ഏറ്റവും വലിയ റീട്ടെയ്ല്‍ ശൃംഖലയായ ലുലു ഹൈപ്പര്‍മാര്‍ക്കറ്റുമായി ബാങ്ക് ധാരണാപത്രം ഒപ്പുവെച്ചതോടെയാണിത്. ഇതുവഴി എഎന്‍ബി കാര്‍ഡ് ഉടമകള്‍ക്ക് ഷോപ്പിങ് സമയത്ത് റിവാര്‍ഡ് പോയിന്റുകള്‍ ഉപയോഗപ്പെടുത്താനും, ലാഭകരമായ ഷോപ്പിങ് ആസ്വദിക്കാനും അവസരമൊരുങ്ങി.
ലുലു സൗദി ഹൈപ്പര്‍മാര്‍ക്കറ്റ് ഡയറക്ടര്‍ മുഹമ്മദ് ഹാരിസും അറബ് നാഷണല്‍ ബാങ്ക് ഡെപ്യൂട്ടി ചീഫ് റീട്ടെയില്‍ ബാങ്ക് ഓഫീസര്‍ ഒത്മാന്‍ കെ. ബാദറും ചേര്‍ന്ന് ധാരണാപത്രം ഒപ്പുവെച്ചു. എഎന്‍ബി ലോയല്‍റ്റി ആന്‍ഡ് പാര്‍ട്ട്ണര്‍ഷിപ്പ് ഹെഡ് അബ്ദുള്‍വഹാബ് എ. അല്‍തുവൈജിരി, ലോയല്‍റ്റി ആന്‍ഡ് പാര്‍ട്ട്ണര്‍ഷിപ്പ് സീനിയര്‍ ഓഫീസര്‍ സാറ എ. അല്‍ബേഷര്‍ എന്നിവരും സന്നിഹിതരായിരുന്നു.
ഈ സഹകരണത്തിലൂടെ എഎന്‍ബി റിവാര്‍ഡ്‌സ് പ്രോഗ്രാം അംഗങ്ങള്‍ക്ക് അവരുടെ റിവാര്‍ഡ്‌സ് പോയിന്റുകള്‍ ലുലു ഹൈപ്പര്‍മാര്‍ക്കറ്റ് ഔട്ട്ലെറ്റുകളിലെ ഷോപ്പിങില്‍ ഉപയോഗിക്കാനാകും. ഇതിലൂടെ ഉപഭോക്താക്കളുടെ ദൈനംദിന ഷോപ്പിംഗ് കൂടുതല്‍ സുഗമമാക്കുകയാണ് ലക്ഷ്യം. അറബ് നാഷണല്‍ ബാങ്കുമായി കൈകോര്‍ക്കുന്നതില്‍ സന്തോഷമെന്ന് വ്യക്തമാക്കിയ ലുലു സൗദി ഹൈപ്പര്‍മാര്‍ക്കറ്റ്‌സ് ഡയറക്ടര്‍ മുഹമ്മദ് ഹാരിസ്, തങ്ങളുടെ ഉപഭോക്താക്കള്‍ക്ക് ഷോപ്പിങില്‍ കൂടുതല്‍ മൂല്യം ഉറപ്പാക്കുന്നതിനുള്ള ലുലുവിന്റെ പ്രതിബദ്ധതയാണ് ഇത് കാണിക്കുന്നതെന്നും കൂട്ടിച്ചേര്‍ത്തു.
രാജ്യത്തെ പ്രമുഖ റീട്ടെയില്‍ ശൃംഖലയുമായി സഹകരിക്കുന്നതിലൂടെ ലോയല്‍റ്റി പ്രോഗ്രാമുകള്‍ കൂടുതല്‍ ശക്തപ്പെടുത്താനാണ് അറബ് നാഷണല്‍ ബാങ്ക് ലക്ഷ്യമിടുന്നത്.
.jpg)
Related News
