റിയാദ്: സൗദി അറേബ്യയിലെ യാമ്പു ഗവര്‍ണറേറ്റിലും ജിസാന്‍ നഗരത്തിലും നല്‍കിയിരുന്ന അപായ മുന്നറിയിപ്പ് പിന്‍വലിച്ചതായും നിലവില്‍ അപകടസാധ്യതകള്‍ ഒഴിഞ്ഞതായും ജനറല്‍ ഡയറക്ടറേറ്റ് ഓഫ് സിവില്‍ ഡിഫന്‍സ് അറിയിച്ചു. അടിയന്തര സാഹചര്യങ്ങളില്‍ പ്രവര്‍ത്തിക്കുന്ന ദേശീയ മുന്നറിയിപ്പ് സംവിധാനം വഴിയാണ് സന്ദേശം നല്‍കിയിരുന്നത്.
ഔദ്യോഗിക അധികാരികള്‍ നല്‍കുന്ന സുരക്ഷാ നിര്‍ദ്ദേശങ്ങള്‍ പൂര്‍ണ്ണമായും പാലിക്കണമെന്നും, ഉറവിടമില്ലാത്ത വ്യാജ സന്ദേശങ്ങളോ വീഡിയോകളോ പ്രചരിപ്പിക്കരുതെന്നും സിവില്‍ ഡിഫന്‍സ് പൊതുജനങ്ങളോട് അഭ്യര്‍ത്ഥിച്ചു.
സിവില്‍ ഡിഫന്‍സ് നല്‍കിയ പ്രധാന സുരക്ഷാ നിര്‍ദ്ദേശങ്ങള്‍
-പരിഭ്രാന്തരാകാതെ ഔദ്യോഗിക വിവരങ്ങള്‍ മാത്രം പിന്തുടരുക.
-ജനലുകളില്‍ നിന്നും ചില്ലു വാതിലുകളില്‍ നിന്നും അകന്ന്, കെട്ടിടങ്ങള്‍ക്കുള്ളിലെ സുരക്ഷിതമായ മുറികളിലേക്ക് മാറുക.
-അപായ മുന്നറിയിപ്പ് നിലനില്‍ക്കുന്ന സമയത്ത് കെട്ടിടങ്ങള്‍ക്ക് പുറത്തോ തുറസ്സായ സ്ഥലങ്ങളിലോ ഇറങ്ങരുത്.
-വാഹനം ഓടിക്കുന്നവരോ പുറത്തുള്ളവരോ ആണെങ്കില്‍ തൊട്ടടുത്തുള്ള ഉറപ്പുള്ള കെട്ടിടങ്ങള്‍ക്കുള്ളിലോ സുരക്ഷിതമായ മറവുകളിലോ അഭയം തേടുക.
-ബാല്‍ക്കണികള്‍, റൂഫ് ടോപ്പുകള്‍ എന്നിവയില്‍ നില്‍ക്കുന്നതും, അപകടസ്ഥലങ്ങളില്‍ കൂട്ടംകൂടുന്നതും ദൃശ്യങ്ങള്‍ പകര്‍ത്തുന്നതും പൂര്‍ണ്ണമായും ഒഴിവാക്കണം.
.jpg)
Related News
